ඊයේ (26) දින මුදල් රාජ්‍ය ඇමැති ශෙහාන් සේමසිංහ සහ සෞඛ්‍ය හා කර්මාන්ත ඇමැති වෛද්‍ය රමේෂ් පතිරණ ප්‍රධාන අමාත්‍යාංශ දෙකෙහි ඉහළ පෙළේ නිලධාරීන්ගේ විශේෂ හමුවක් පැවැත්වූ අවස්ථාවේ මෙම තීරණය ගෙන ඇති බවයි වරත වන්නේ.
එහිදී ගනු ලැබූ තීරණයට අනුව ගෙවිය යුතු හිඟ බිල්පත් ගෙවීම සඳහා අනුමැතිය ලබාගන්නා යෝජනාව මුදල් අමාත්‍යාංශයේ අය-වැය දෙපාර්තමේන්තුව මඟින් සකස් කොට ලබන සතියේ ඉදිරිපත් කරන බව ශෙහාන් සේමසිංහ මහතා සඳහන් කළේය. මේ සඳහා වැය කළ යුතු මුදල රාජ්‍ය බැංකුවක ණය පහසුකමක් යටතේ ලබා ගැනීමට ඇති හැකියාව පිළිබඳව ද සොයා බලන බව ද රාජ්‍ය ඇමැතිවරයා සඳහන් කළේය. ඖෂධ මිල දී ගැනීම, හිඟ බිල්පත් ගෙවීම, අත්‍යවශ්‍ය සෞඛ්‍ය වියදම් සඳහා කිසිදු ප්‍රමාදයකින් තොරව මුදල් ලබා දීමට කටයුතු කරන බව ද රාජ්‍ය ඇමැතිවරයා කීය.
මුදල් රාජ්‍ය ඇමැතිවරයා කියා සිටියේ මීට පෙර මාස තුනක බිල්පත් පමණක් අත ඉතිරි වන ලෙස ගෙවීම් සිදු කළ ද එය මේ වන විට මාස දෙකක් දක්වා අඩු කර ගැනීමට හැකිව තිබේන අතර එය ලබාගත් ජයග්‍රහණයක් බවයි. ඉන් නොනැවතී ඉදිරි වසරේ සිට මාසයක බිල්පත් පමණක් අත ඉතිරිවන සේ ගෙවීමට කටයුතු කරන බව ද මුදල් රාජ්‍ය ඇමැතිවරයා මෙහිදී සඳහන් කළේය.
-P.M
