ක්‍රීඩා හා සංචාරක ඇමැති නවීන් දිසානායක මහතා ඊයේ(12) කැලණියේ පාපන්දු නේවාසිකාගාරයට මුල්ගල තැබූ උත්සවයේදී මේ බව පැවැසීය. දැනට ප්‍රධාන තනතුරු දැරූ පුද්ලයන්ට වසර 2013දී පනවා තිබූ ක්‍රීඩා රෙගුලාසි අනුව ඉදිරිපත්වීමට හැකියාව ඇත්ද යන්න මේ සොයා බැලීම අනුව සිදු කෙරේ.
මීට හේතුව වී ඇත්තේ ක්‍රීඩාව බඩගෝස්තරය කර ගනිමින් සිටින ක්‍රීඩා සංගම් මා‍ෆියාවේ නියෝජිතයන් ඇමැතිවරයාට තර්ජනය කිරීම නිසා බව ක්‍රීඩා අමාත්‍යාංශ ආරංචි මාර්ග පවසයි. ඔවුන් පවසා ඇත්තේ සියලු ජාත්‍යන්තර සම්බන්ධකම් ඇත්තේ තමන්ට බවත් එම නිසා ජාත්‍යන්තර ක්‍රීඩා තරග සඳහා මෙරට ක්‍රීඩකයන් සහභාගී කරවීම නොකරවීම තමන් අතේ තිබෙන කටයුත්තක් බවත් එමඟින් මෙරට ක්‍රීඩාව ආපස්සට ඇද දැමීමට තමන්ට හැකි බවත් ආදී වශයෙන් මෙම තර්ජනාංගුලිය ඇමැතිවරයාට එල්ල කර තිබේ.
වසර 4කට වඩා නිලතලවල සිටි අයට නැවත නාමයෝජනා භාරදිය නොහැකිය යන උපදෙස් මත මෙරට දූෂිතම ක්‍රීඩා සංගම් කිහිපයක සියයට අනුවක් පමණ දෙනාට මෙවර ඉදිරිපත්වීමේ අවස්ථාව අහිමි වේ.
ක්‍රීඩා සංගම්වල සභාපති, උප සභාපති, ලේකම්, උප ලේකම්, භාණ්ඩාගාරික හා උප භාණ්ඩාගාරික තනතුරුවල වසර 4කට වඩා සිටී නම් නීතිපති උපදෙස් මත නැවත එම තනතුරුවලට ඉදිරිපත්වීමට හැකියාව අහිමිවී තිබුණි.
කෙසේ නමුත් එම නැවත සලකා බැලීම නීතිපති උපදෙස් අනුවම සිදු කිරීමටද පියවර ගන්නා බවද ඇමැතිවරයා පවසයි .
සැබැඳි පුවත්:
ක්‍රීඩා සංගම් මා‍ෆියාව ඇමැතිට එරෙහිව අවි අමෝරයි
මානෙල්ලා වුෂූවලින් දියුණු වූ හැටි.
ක්‍රීඩා සංගම්වලට ඉස්‌සර කෙළි දැන් කරන්න බෑ - නවීන්
මානෙල්ලාගෙන් වූෂූ බේරා දෙන්න-මහේෂ් විතාරන
ක්‍රීඩාව කාපු පට්ට හොරු ඇමැති නවීන්වත් අන්දවයි
