එම පහරදීම් හා වෙඩි තැබීම් වල අරමුණ වි ඇත්තේ මෙදින පොදු අපේක්ෂක මෙමත්‍රිපාල මහතාගේ මූලිකත්වයෙන් පැවැත්වෙන ජනරැළි 6 සදහා පැමිණෙන ජන සහභාගීත්වය අඩාල කීරීම බව හෙලිවී ඇති අතර මේ සදහා අංක තහඩු නොමැති ඩිපෙන්ඩර් රථ 9 ක් හා වෑන් රථ 8 ක් යොදාගන ඇත.
මෙම ප්‍රහාරය සදහා අවම වශයෙන් පුද්ගලයන් 50 – 70 අතර පිරිසක් සිට ඇති අතර එම කන්ඩායම අත පැවති ගිනි අවි ප්‍රමාණය 20 කට වැඩි බව සිදුවිම ඇසින් දුටුවෝ පවසති. එම අවි අතර ටී 56 ගිනි අවි හා සවයංක්‍රීය පිස්තෝල තිබී ඇත.
මෙම පොලොන්නරුවේ මැර ප්‍රහාරය ඇසින් දුටු විපක්ෂ ආධාරකරුවෙකු අපවෙත පලකළ අදහස්.
“3 වෙනිදා මෙමත්‍රිපාල මහත්තයාගේ රැස්වීම් 6 ක් තිබුණා. මෙම රැස්වීම්වල සැරසිලි කරන්න පටං ගත්තේ දෙවනිදා රෑ එයාලා රෑවෙන කොට මේ ඩිපෙන්ඩර් සෙල්ලම පටං ගත්තා. හිතුවේ අංක නැති ඩිපෙන්ඩර් ආවම මිනිස්සු සැරසිලි කරන එක නවත්වලා යයි කියලා. නමුත් මිනිස්සු සැරසිලි කරන එක නැවැත්තුවේ නැ. පස්සේ පාන්දර වෙන කොට කාර්යාල 4 කට ගහලා කැඩුවා.
මග දිගට තියෙන සැරසිලි කැඩුවා. දාපු කටවුට් අපි බලාගන ඉන්න කොටම කැඩුවා. පහුවදා 3 දා උදේ 9 ට මනමිපිටියේ කාරයාලයට ගැහුවා. ගහලා එතන මිනිස්සුන්ටත් ගහලා කාර්පාලය කැඩුවා එතන තිබුණ වාහනයක් කුඩු කෙරුවා. එක පැමිණිලි කරන්න තමයි ජනක සමරසිංහ හිටපු මන්ත්‍රීතුමා පොලෙන්නරුව පොලීසියට ගියේ. එවෙලාවේ පොලීසියේ ගේට්ටුව ළගට ඩිපෙන්ඩර් වාහන දෙකකුයි වෑන් ආවා ඇවිත් ජනක මහත්තයා එනකම් රැකලා හිටියා.
පස්සේ එලියට ඇවත් යන්න බැරි නිසා කාවහරි ගෙන්නාගන යන්න බලන්න එයා ගේටුටුව ලගට ඇවිත් තියෙනවා. ඒවෙලාවේ තමයි ජනක මහත්තයාගේ ඔලුවවට බොතලයකින් ගැහුවේ. පස්සේ ජනක මහත්තයව ඉස්පිරිතාලෙට ගෙනියන්න නොදී පාර හරස් කරගන ඉදලා තියෙනවා. මුල දවසම පොලොන්නරුව පාලනය කළේ මේ මැර කන්ඩායම . එත් මිනිස්සු මෛත්‍රීපාල මහත්තයගේ රැස්වීම් වලට ගියා. එහෙම ගිය අයට තමයි හවස අරලගංවිලදි වෙඩි තිබ්බෙ. අපි අහන්නේ 8 වෙනිදට කරන්නේ මේකද? මේහෙමද ජනාධිපති තුමා දිනන්නේ? “.
lankaherald
සබැදි පුවත්
අරලගංවිල මෛත්‍රීගේ රැළියට වෙඩි.! 3 ක් තුවාලයි!!! විමල් වීරවංශ සැකයි !!!
