පහුගිය කාලෙ දඩ සෙල්ෆි කියල ජාතියකුත් ලංකාවෙ ජනප්‍රිය වෙලා තිබුණා ඔබට මතක ඇති. දැන් දැන් ලෝකයේ සෙල්ෆි තරඟත් පැවැත්වෙනවා.
මේක ටිකක් වෙනස් විදියේ සෙල්ෆි තරඟයක්. මේ තරඟයේදී තමාගේ දුවත් එක්ක සෙල්ෆියක් ගහලා එය එවිය යුතු වෙනවා. මේ තරඟයේ ඇත්තම අරමුණ වෙලා තියෙන්නෙ ඉන්දියාව තුල ගැහැණු ළමුන් පිළිබඳ පවතින ආකල්පය වෙනස් කිරීමයි.
තරඟයේ ජයග්‍රාහකයාට කුසලානයක් වගේම මුදල් තෑග්ගකුත් හිමිවෙනවා.
මේ තරඟය බොහෝ ජනප්‍රිය වෙලා තියෙන හර්යානා ප්‍රාන්තයේ කාන්තා ප්‍රතිශතය ඉතා අඩු මට්ටමක පවතිනවා. ඒකට හේතුව වශයෙන් දකින්නෙ නීති විරෝධී ගබ්සා, ගැහැණු දරුවන් කුඩා කාලයේදීම ඝාතනය කිරීම් සහ ගැහැණු දරුවන් පවුල්වලින් ප්‍රතික්ෂේප කිරීමයි.
