වරාය නගර පනත ව්‍යස්ථා විරෝධී බවත් එම පනත සම්මත කිරීම සඳහා පාර්ලිමේන්තුවෙ තුනෙන් දෙකක් ඡන්දයත් ජනමත විචාරණයකුත් පැවැත්විය යුතු බවට ප්‍රකාශ කරන ලෙස පාර්ශ්ව විශාල ගනනක් විසින් ශ්‍රේෂ්ඨාධිකරණය හමුවේ කළ ඉල්ලීම සම්බන්ධයෙන් ඊයෙ දිනයේදී පැවැති නඩුවාරයේදී , පෙත්සම්කාර පාර්ශ්වය පෙන්වා දෙන පරිදි කෙටුම්පතේ අඩංගු ඇතැම් වගන්නි රටේ ඒකීය භාවයට හා ව්‍යවස්ථාවට පටහැනි බව බැලූ බැල්මට පෙනී යන බැවින් ඒවා සංශෝධනය කළ යුතු බව පිළිගන්නේ දැයි විනිසුරු ප්‍රියන්ත ජයවර්ධන මෙහිදී ජනාධිපති ලේකම් පී.බී. ජයසුන්දර වෙනුවෙන් පෙනීසිටි ජනාධිපති නීතිඥ රොමේෂ් ද සිල්වා ගෙන් විමසා සිටි අතර තමන් ද ඒ බව පිළිගන්නේ යැයි ජනාධිපති නීතිඥවරයා එහිදි පිළිතුරු දුන් බව වාර්තාවේ.

විදෙස්ගත ශ්‍රමිකයින් මෙරටට පැමිණීමේදී නිරෝධායනය කිරීම සඳහා වැඩි පහසුකම්වලින් යුත් තරු පන්තියේ හෝටල් 7ක් වෙන් කිරීමට විදේශ සේවා නියුක්ති කාර්යාංශය පියවර ගෙන තිබේනවා.

මද්‍රසා පාසල් සහ මුස්ලිම් අධිකරණ නීති සම්බන්ධයෙන් ආණ්ඩුව ඉදිරි සති දෙක තුන තුළ තීන්දුවක් ගත යුතු බව පාර්ලිමේන්තු මන්ත්‍රී පූජ්‍ය අතුරලියේ රතන හිමියන් ප්‍රකශ කර තිබෙනවා.

අකාර්යක්ෂම රාජ්‍ය ආයතන ප්‍රධානීන් ඉවත්කර ඒ වෙනුවට වෙනත් නිලධාරීන් පත්කිරීමට තමන් සූදානම් බව ජනාධිපති ගෝඨාභය රාජපක්ෂ ප්‍රකාශ කර තිබේනවා.

කොවිඩ් 19 වෛරසය රට තුළ සීඝ්‍රයෙන් පැතිර යාම වැළැක්වීම සඳහා දැඩි තීරණයන් ගැනීමට ජනාධිපතිතුමන්ගේ උපදෙස් මත විශේෂ ක්‍රියාකාරී කාර්යසාධන සමාලෝචන කමිටුව තීරණය කර තිබේනවා.

හම්බන්තොට වරාය වෙත පැමිණ තිබූ චීන නැවේ විකිරණශීලී ද්‍රව්‍ය ඇති බවට හෙළිවීම හේතුවෙන් එම නැවට වහාම එම වරායෙන් පිටත්වන ලෙස දැන්වූ බව පරමාණුක බලශක්ති නියාමන සභාව පවසයි.

ඇස්ට්‍රාසෙනෙකා එන්නත ලබාදුන් මෙරට පුද්ගලයන් තිදෙනෙකු රුධිරය කැටිගැසීම හේතුවෙන් මියගොස් ඇති බව සෞඛ්‍ය අමාත්‍ය පවිත්‍රා වන්නිආරච්චි මහත්මිය අද (21) පාර්ලිමේන්තුවේදී අනාවරණ කර තිබෙනවා.

සෞදි අරාබියේ රැඳවුම් කදවුරුවල රඳවාගෙන සිටින ශ්‍රී ලාංකික කතුන් කඩිනමින් නැවත මෙරටට ගෙන්වා ගැනීමට පියවර ගන්නා බව කම්කරු අමාත්‍ය නිමල් සිරිපාල ද සිල්වා පවසනවා.