මැතිවරණ ව්‍යාපාරය මේ වන විට වෛරී දිශාවකට ගමන් කරමින් පවතින බව කැෆේ සංවිධානය පවසයි. එහි විධායක අධ්‍යක්ෂ කීර්ති තෙන්නකෝන් මහතා සඳහන් කළේ එකම පක්ෂයේ අපේක්ෂකයින් විසින් තම පක්ෂයේ තවත් අපේක්ෂකයෙකුට ඡන්දය දෙන්නට එපා යැයි සඳහන් කරමින් සෘණාත්මක මැතිවරණ ව්‍යාපාර මේ වන විට ක්‍රියාත්මක කර ඇති බවයි.
ආනයනය කරන බොහෝ ආහාර දේශීයව නිෂ්පාදනය කළහැකියි - ජනපති
ශ්රී ලංකාවට ආහාර ආනයනය කිරීම සඳහා වාර්ෂිකව රුපියල් බිලියන 154 ක් වැය වන බව ජනාධිපති මෛත්රීපාල සිරිසේන මහතා ප්රකාශ කර තිබේ. ඊයේ (20) දේශිය ආහාර නිෂ්පාදන වැඩසටහන සම්බන්ධයෙන් ජනාධිපති කාර්යාලයේ පැවති සාකච්ඡාවකදී අදහස් දක්වමින් ජනාධිපතිවරයා ප්රකාශ කරනු ලැබුවේ එලෙස ආනයනය කෙරෙන ආහාර ද්‍රව්‍යවලින් පරිප්පු, කඩල සහ ඇපල් ඇතුළු ආහාර වර්ග 04 ක් හැර සෙසු සියලු ඒවා දේශියව නිෂ්පාදනය කළ හැකි බවයි.
ශ්රී මහා බෝධියේ උඩ මළුවේදී මහින්දගේ ගෝලයෙක් ගිතාංජනගේ පර්ස් එකට විදලා
එකසත් ජනතා නිදහස් සන්ධානයේ මංගල ප්‍රචාරක රැළිය පැවැත් වුණු පසුගිය 17 වන දින එම රැස්වීමට පෙර අනුරාධ පුර ශ්රී මහා බෝධීන් වහන්සේ වැඳ පුද ගැනීමට ගිය අවස්ථාවේදී ගීතාංජන ගුණවර්ධන මහතාගේ මුදල් පසුම්බිය මහින්දවාදීයකු විසින් සොරාගෙන ඇති බව වාර්තාවේ.
මහින්දගේ ප්‍රජා අයිතිය අහෝසි කරනවා, මෛත්‍රී අනුරට කියලා
සුනාමි ව්‍යසනයෙන් විපතට පත් උතුරු නැගෙනහිර ජනතාවට නිවාස තනාදීමේ අරමුණින් පිහිටවූ රාඩා ආයතනයේ සිදුවූ කෝටි 16.9 ක මූල්‍ය වංචා සම්බන්ධයෙන් හිටපු ජනධිපතිවරයාගේ ප්‍රජා අයිතිය අහෝසි කරන බව තමන්ට ජනාධිපති මෛත්රීපාල සිරිසේන මහතා පැවැසූ බව ජනතා විමුක්ති පෙරමුණේ නායක අනුර කුමාර දිසානායක ඊයේ(20) කුරුණෑගල පැවැති රැලියකදි ප්රකාශ කර ඇත.
අපේක්ෂකයන්ට ආසනයට එක බැගින් කාර්යාල පවත්වාගෙන යාමේ අවස්ථාව
මෙවර මැතිවරණට තරඟ වදින අපේක්ෂකයන් සඳහා තම නිවසේ මැතිවරණ කාර්යාලයක් පවත්වාගෙන යෑමට අමතරව එක් ආසනයකට එක් කාර්යාලය බැගින් පවත්වාගෙන යෑමට හැකි බව ඊයේ (20දා) මැතිවරණ කොමසාරිස් කාර්යාලයේ පැවති සාකච්ඡාවකදී තීරණය වී ඇතැයි වාර්තා වේ.
දින සියේ දී ඇණ හිටියේ රාජපක්ෂ පවුලේ සංවර්ධනය පමණයි - රවී
දින සීයේ දී සංවර්ධන කටයුතු ඇණහිටි බවට විපක්ෂය ගෙන යන ප්‍රචාරයන් අසත්‍ය බව මුදල් අමාත්‍ය රවී කරුණානායක මහතා පවසයි. අමාත්‍යවරයා පෙන්වා දෙන්නේ එම කාලය තුළ දී ඇණ හිටියේ රාජපක්ෂ පවුලේ සංවර්ධනය පමණක් බවයි. ජනතාව ආර්ථික වශයෙන් මෙන් ම සාමාජීය වශයෙන් ද සංවර්ධනය වූ බව අමාත්‍යවරයා පෙන්වා දුන්නේය. මොරටුව ප්‍රදේශයේ පැවැති ජන හමුවකට එක් වෙමින් අමාත්‍යවරයා මේ බව කියා සිටියේය.
මහ මැතිවරණයට තරග කරන අපේක්ෂකයන් සමග සමීප සම්බන්ධතා පවත්වමින් පක්‍ෂග්‍රාහීව කටයුතු කරන පොලිස් ස්‌ථානාධිපතිවරුන්ට එරෙහිව පියවර ගන්නා බව පොලිස් මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්‌පති ගාමිණී නවරත්න මහතා පැවැසීය.එවැනි නිලධාරීන් වහාම එම පොලිස් බල ප්‍රදේශවලින් මාරු කර යෑවීමට කටයුතු කරන බව ඔහු සදහන් කළේය.
විනයාගමූර්ති මුරලිදරන් හෙවත් කරුණා අම්මාන් එක්සත් ජාතික පෙරමුණේ මැතිවරණ ව්‍යාපාරය වෙනුවෙන් එක්වීමට නියමිතය. මේවන විට මේ සම්බන්ධයෙන් එකසත් ජාතික පක්ෂයේ නායක අගමැති රනිල් වික්‍රමසිංහ මහතා සමග සාකච්ඡා කර ඇති අතර ඉදිරි දින කිහිපයේදී ජනාධිපති මෛත්රීපාල සිරිසේන මහතා සමඟ වන සාකච්ඡාවකින් පසුව එජාපෙරමුණේ වේදිකාවට එක් වීමට නියමිතය.
