කන්ටේනර් 1,000ක් වරායේ සිර වී ඇතැයි ව්‍යාජ මතයක් සමාජගත කිරීම පිටුපස රට ආර්ථික වශයෙන් අස්ථාවර කිරීමේ කුමන්ත්‍රණයක් පවතින්නේදැයි බරපතළ සැකයක් මතුවන බව මහබැංකු අධිපති අජිත් නිවාඩ් කබ්රාල් මහතා පවසයි.

උත්සව සමයේ සංචරණය කරන්නේ නම්, බූස්ටර් එන්නත ලබාගැනීම අනිවාර්ය බව රාජ්‍ය අමාත්‍ය මහාචාර්ය චන්න ජයසුමන මහතා පවසයි.

සුරකිමු ගංගා ව්‍යාපෘතිය යටතේ, 2022 වසරේ පළමු කාර්තුව තුළ රුපියල් මිලියන 500ක ව්‍යාපෘති අවසන් කිරීමට කටයුතු කරන්නැයි පරිසර ඇමැති මහින්ද අමරවීර මහතා එම අමාත්‍යංශ නිලධාරින්ට උපදෙස් ලබා දී ඇත.

වර්තමානයේ දී ශ්‍රී ලංකාව මුහුණ පා සිටින දැවැන්ත ආර්ථික අර්බුදයෙන් මිදීමට සහාය ලබාදෙනු පිණිස, ඉන්දියාව විසින් හදිසි ආධාර පැකේජයක් සකස් කරමින් සිටින බව Economic Times පුවත් පත වාර්තා කර සිටී.

හරිත කෘෂිකර්ම ක්‍රියාන්විත මධ්‍යස්ථානය ක්‍රියාත්මක කිරීම ආරම්භ වූ බව කෘෂිකර්ම ක්‍රියාන්විත මධ්‍යස්ථානයේ ප්‍රධානි යුද හමුදාපති ජනරාල් ශවේන්ද්‍ර සිල්වා මහතා පැවසුවේය.

යහපාලන සමයේදී 2015 -2019 කාලය තුළ සමෘද්ධි ව්‍යාපාරයේ අරමුදල්වලින් දේශපාලන හිතවත්කම්වලට දුන් ණය මුදල්වලින් රුපියල් හාරකෝටි දස ලක්ෂයකට (මිලියන 41.4 ) ආසන්න මුදලක් තවමත් අය කර ගෙන නැතැයි රාජ්‍ය ඇමැති ෂෙහාන් සේමසිංහ මහතා පාර්ලිමේන්තුවේදී ඊයේ (8) ප්‍රකාශ කර තිබේ.

පවතින කොරෝනා තත්ත්වය හමුවේ ගත යුතු ඉදිරි ක්‍රියාමාර්ග සැලසුම් කිරීම සඳහා වන විශේෂ රැස්වීමක් සෞඛ්‍ය අමාත්‍යාංශයේ දී අද පැවැත්වීමට නියමිතයි.

ශ්‍රී ලංකාව කලාපයේ ගෝලීය සමුද්‍රීය කේන්ද්‍රස්ථානයක් බවට පත් කිරීමට රජය කැප වී සිටින බව අග්‍රාමාත්‍ය මහින්ද රාජපක්ෂ මහතා ප්‍රකාශ කරනවා.