ලබන 2022 පළමු ශ්‍රේණිය සඳහා ළමුන් ඇතුලත් කරගැනීමේ අයදුම්පත් කැඳවීමේදී එක් පන්තියක සිටිය යුතු ළමුන් සංඛ්‍යාව 35ක් විය යුතු බවට ලබාදුන් අධිකරණ නියෝගය උල්ලංඝනය කරමින් එක් පන්තියක් සඳහා ළමුන් 40ක් ඇතුළත් කරගැනීමට අධ්‍යාපන අමාත්‍යාංශය තීරණය කර තිබෙනවා.
ජනපතිගේ උපදෙස් මත එක්ස්ප්‍රස් පර්ල් නෞකාව ගැඹුරු මුහුදට !
කොළඹ වරායට ආසන්න මුහුදේ දී ආපදාවට ලක් වූ “එක්ස් - ප්‍රෙස් පර්ල්” නෞකාව ගැඹුරු මුහුදට රැගෙන යාමට ජනාධිපති ගෝඨාභය රාජපක්ෂගේ ප්‍රධානත්වයෙන් ඊයේ (01) පස්වරුවේ ජනාධිපති කාර්යාලයේ දී පැවති විශේෂ හමුවේදී තීරණය කෙරිණ.
කොවිඩ් වසංගතයත් සමග සංචරණ සිමා නිසා ආදායම් අහිමි වූ ජනතාවට හෙට (02) සිට රුපියල් 5000 දීමනාව ලබා දීමට තීරණය කළ බව කැබිනට් සමප්‍රකාශක අමාත්‍ය උදය ගම්මන්පිල ප්‍රකාශ කර තිබේනවා.
මෙරටදී කොවිඩ් එන්නත් නිපදවීමට අදාළ නීතිමය තත්ත්වය පිළිබඳව විශේෂ සාකච්ඡාවක් !
මෙරට තුළ එන්නත් නිපදවීම සඳහා අදාළ වන නීතිමය තත්ත්වය පිළිබඳව විශේෂ සාකච්ඡාවක් අධිකරණ අමාත්‍ය ජනාධිපති නීතිඥ අලි සබ්රි මහතාගේ ප්‍රධානත්වයෙන් පවත්වා තිබේ.
කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත් කරණය කිරීමේ වැඩසටහනට අනුව අද (01) දිනයේ ද ස්ථාන කිහිපයකම එම වැඩසටහන් ක්‍රියාත්මක වේ.
ආයුර්වේද වෛද්‍යවරුන්ට ඖෂධ ප්‍රචාරය කිරීම සපුරා තහනම් !
මොනයම් හෝ රෝගයක නම සඳහන් කරමින් එම රෝගය යම් ආයුර්වේද ඖෂධයක් මගින් සුවකළ හැකිය යන්න මාධ්‍යයෙන් ප්‍රචාරය කිරීම සපුරා තහනම් බවත් එවැනි ප්‍රචාරණයන්ගේ නියැළෙන ආයුර්වේද වෛද්‍යවරුන්ගේ බලපත්‍රය අහෝසි කිරීමට කටයුතු කරන බවත් ආයුර්වේද කොමසාරිස්වරිස් වෛද්‍ය ශාන්ති කුඹුරේගෙදර මහත්මිය සඳහන් කර ඇත.
මහා සංඝරත්නය උදෙසා කොවිඩ් උපස්ථාන මධ්‍යස්ථානයක් ප්‍රථමවරට !
කොවිඩ් ආසාදිත මහා සංඝරත්නය උදෙසා ප්‍රථම කොවිඩ් නිවාරණ භික්ෂු උපස්ථාන මධ්‍යස්ථානය මහනුවර ස්ථාපිත කර ඇති බව ශ්‍රී දළදා මාලිගාවේ මාධ්‍ය කාර්යාංශය නිවේදනය කර තිබෙනවා.
මල්වතු අස්ගිරි මහානායක හිමිපාණන් වහන්සේලාගේ අනුශාසනා ඇතිව ශ්‍රී දළදා මාලිගාවේ මෙහෙයවීමෙන් මෙය ස්ථාපිත කර තිබේන අතර මෙම මධ්‍යස්ථානය නිල වශයෙන් අද (01) දින සෞඛ්‍ය අමාත්‍යාංශයට භාර දී ඇත.
-පංචාලි අබේසේකර
එන්නතේ එක් මාත්‍රාවක් ප්‍රමාණවත් කතාව බොරුවක් - සෞඛ්‍ය අධ්‍යක්ෂ කියයි !
කිසිවකුට කොවිඩ් මර්දන එන්නත එක් මාත්‍රාවක් පමණක් ලබාදීමට සෞඛ්‍ය අමාත්‍යංශයෙන් උපදෙස් ලබා දී නොමැති බව සෞඛ්‍ය අමාත්‍යාංශයේ නියෝජ්‍ය සෞඛ්‍ය අධ්‍යක්ෂ ජනරාල් විශේෂඥ වෛද්‍ය හේමන්ත හේරත් ප්‍රකාශ කර ඇත.
