මෙම අවබෝධතා ගිවිසුමේ අරමුණ වී ඇත්තේ සහයෝගිතා, හුවමාරු කිරීම් සහ ශ්‍රී ලංකාව සතු ක්‍රිකට් විශේෂඥ දැනුම ප්‍රදානය කිරීම තුළින් ජපානයට ක්‍රිකට් ක්‍රීඩාව දියුණු කිරීමට උපකාර කිරීමය.
එමෙන්ම ශ්‍රී ලංකා ක්‍රිකට් ජපනයේ ක්‍රීඩකයින්, කණ්ඩායම්, පුහුණුකරුවන් සහ භාරකරුවන් ජපානයට යොමු කිරීමට නියමිතය.
ශ්‍රී ලංකා කණ්ඩායම් ජපානයේ ද, ජපානයේ කණ්ඩායම් ශ්‍රී ලංකාවට ද, තරග සංචාර සඳහා සහභාගී වීම සහ ජපානයේ කණ්ඩායම්වලට මෙරටදී පුහුණුවීමේ අවස්ථාව දීමට නියමිතය.
ශ්‍රී ලංකා ක්‍රිකට් ආයතනයේ සභාපති ෂම්මි සිල්වා මහතා සහ ජපාන ක්‍රිකට් සංගමයේ ප්‍රධාන විධායක නිලධාරී නඕකි ඇලෙක්ස් මියාජි මහතා ශ්‍රී ලංකා ක්‍රිකට් මූලස්ථානයේදී එම අවබෝධතා ගිවිසුමට අස්සන් තැබූහ.
