කාසියේ වාසිය දිනා පළමුව පන්දුවට පහර දීමට තීරණය කළ ශ්‍රී ලංකා කණ්ඩායම පළමු දිනය අවසන් වන විට පළමු ඉණිම ස‍ඳහා කඩුළු 5ක් දැවී ලකුණු 305ක් රැස් කිරීමට සමත් විය.

අද දිනය මහේල ජයවර්ධනගේ දිනය බවට පත්කර ගනිමින් පන්දු 225ක දී 4 පහර 16ක් සහ එක් 6 පහරක් සහිතව ලකුණු 140ක් වාර්තා කිරීමට සමත් විය. ටෙස්ට් ක්‍රිකට් දිවියේ සිය 34 වන ශතකය ද එස්.එස්.සී. ක්‍රිඩා පිටියේ දී ලබාගත් 11 වන ශතකය ද වාර්තා කිරීමට සමත් විය.

නායක ඇන්ජලෝ මැතිව්ස් ලකුණු 63ක් ලබා ගනිද්දී අද දවසේ සාර්ථක අනෙක් එකම පිතිකරුවා වූයේ කෞෂල්‍ සිල්වා පමණි. ඔහු ලකුණු 44ක් ලබා ගත්තේ ය.

දකුණු අප්‍රිකානු කණ්ඩායම වෙනුවෙන් අද දවසේ සාර්ථක පන්දු යැවීමක නිරත වූ ඩෙල් ස්ටේන් සහ ජේ.පී. ඩුමිනි කඩුළු 2 බැගින් ලබා ගත්තේ ය.