දෙපිලම නියමිත කාලයේදී සහ අතිරේක කාලයේදී ගෝල වාර්තා කිරීමට අසමත් වීම හේතුවෙන් තරගයේ ජයග‍්‍රහකයින් දඬුවම් පහර මගින් තීරණය කෙරින. 

 එහිදී ගෝල 4ට 2ක් ලෙස ජයගත් ආජන්ටිනාව ලෝක කුසලාන පාපන්දු තරගාවලියේ අවසන් මහා තරගයට සුදුසුකම් ලබාගත්තේය. 



ඔවුන් ලෝක කුසලාන පාපන්දු තරගාවලියක අවසන් මහා තරගයට පිවිසි 5වන අවස්ථාව මෙයයි. 


ආජන්ටිනා දැල් රකින්නා වන සර්ජියෝ රොමේරෝගේ දක්ෂ පන්දු රැකීම මෙම තරගයේදී කාගේත් අවධානයට ලක්විය. 


නෙදර්ලන්තය එල්ල කළ දඬුවම් පහර 2ක් දක්ෂ ලෙස ඔහු වළක්වනු ලැබුවේ ආජන්ටිනාවට අවසන් මහා තරගයේ දොරටු විවර කර දෙමිනි.


 නායක ලයනල් මෙසී, ගැරේ, අගිව්රෝ සහ රොද්‍රිගොස් ආජන්ටිනාව වෙනුවෙන් දඬුවම්  පහර සාර්ථක කරගත් අතර,  ඒ අනුව ආජන්ටිනාව ලබන ඉරිදා පැවැත්වෙන අවසන් මහා තරගයේදී ජර්මනියට එරෙහිව තරග වදිනු ඇත. 


අවසන් පූර්ව තරගවලින් පරාජයට පත් වූ නෙදර්ලන්තය සහ බ‍්‍රසීලය ලෝක කුසලාන පාපන්දු තරගාවලියේ තුන්වන ස්ථානය සඳහා ලබන සෙනසුරාදා තරග වැදීමට නියමිතය.