බ‍්‍රසීල කණ්ඩායමේ ප‍්‍රබල ක‍්‍රීඩකයින් දෙදෙනෙකු වන නේමාර් ද සිල්වා සහ නායක තියාගෝ සිල්වා අද තරගයට ක්රීඩා නොකරයි.
අර්ධ අවසන් වටයේ තරගයේ දී නේමාර් අබාධායකට ලක්වු අතර තියාගෝ කහ කාඞ්පත් දෙකක් ලැබීම හේතුවෙන් තරග තහනමකට ලක්විය.
ඒ අනුව බ‍්‍රසීල කණ්ඩායමට මෙම තරගයේ දී ආරක්‍ෂක ක‍්‍රීඩක ඩේවිඩ් ලුවිස් නායකත්වය ලබාදේ. ඔහු කණ්ඩායමේ උපනායකයා ද වේ. ජර්මනිය සමග පැවැත්වෙන තරගයට සාර්ථකව මුහුණ දීමට තමන් සුදානම් බවත්, දක්‍ෂ ක‍්‍රීඩකයින් රැසකගෙන් සමන්විත බ‍්‍රසීල කණ්ඩායම මෙහෙයවීම එතරම් අසීරු කටයුත්තක් නොවන බවත් ඩේවිඩ් ලුවිස් මාධ්‍ය හමුවේ ප‍්‍රකාශ කර ඇත.
මීට පෙර අවස්ථා 21කදී මෙම කණ්ඩායම් දෙක එකිනෙකා මුණ ගැසි ඇති අතර ඉන් අවස්ථා 12කදී බ්රසීලය ජයග‍්‍රහණය කර ඇත. ජර්මනිය ජයගෙන ඇත්තේ අවස්ථා 04කදී පමණි. තරග 05ක් විසඳුමකින් තොරව නිමාවට පත්ව තිබේ.
