බටහිර ඉන්දීය කොදෙව් දූපත්වලින් බිහිවු කීර්තිමත් ක‍්‍රීකට් ක‍්‍රීඩකයෙකු වන ඔහු කොළඹ ඊයේ පැවති මාධ්‍ය හමුවක දී කියා සිටියේ එලෙස චෝදනාවට ලක්වු සෑම පන්දු යවන්නෙකුම පාහේ ඉතා හොඳින් දක්‍ෂතා දක්වන්නන් බවයි.

එළඹෙන එක්දින ක‍්‍රිකට් ලෝක කුසලාන තරගාවලිය ඉලක්ක කර ගනිමින් එම පන්දු යවන්නන් ක‍්‍රීඩාවෙන් ඉවත් කිරිමට කිසියම් පිරිසකට උවමනා කර ඇත්දැයි ඔහු වැඩිදුරටත් සැක පළ කළේය. 


ශ‍්‍රී ලංකාවේ සචිත‍්‍ර සේනානායක, පාකිස්තානයේ සහීඞ් අජ්මාල් හා මොහොමඞ් හෆීස්, බංග්ලාදේශයේ අලාමීන් හුසේන් සහ බටහිර ඉන්දීය කොදෙව් හී සුනිල් නරීන් චෝදනාවට ලක්වු පන්දු යවන්නන්ය.

 සුනිල් නරීන්ට එරෙහි චෝදනාව එළඹෙන බටහිර ඉන්දීය කොදෙව් ඉන්දීය තරගාවලිය ඉලක්ක කර ගෙන සිදුවුවක් විය හැකි බවද ශ‍්‍රීමත් විවියන් රිචඞ්ස් මෙහිදී කියා සිටියේය.

මේ අතර ඉන්දියාවේ හිටපු ක‍්‍රීකට් ක‍්‍රීඩකයෙකු වන සුනිල් ගවස්කාර් පවසන්නේ පන්දු යැවීමේ ඉරියව්ව සැකසහිත සියලූ පන්දු යවන්නන් වහාම ක‍්‍රීඩාවෙන් ඉවත් කළ යුතු බවයි. 

එසේ නොමැතිව එවැනි පන්දු යවන්නන් සම්බන්ධයෙන් දිගින් දිගටම පරික්‍ෂණ සිදු කිරීම අවශ්‍ය නොවන බවද ඔහු කියා සිටියි.