ශ්‍රී ලංකා ක්‍රිකට් ලේකම් නිශාන්ත රණතුංග මහතා විසින් පසුගිය සිකුරාදා කැඳවන ලද හදිස්සි විධායක කමිටු රැස්වීම එහි සභාපති ජයන්ත ධර්මදාස විසින් මැදිහත්ව අත්හිටුවා ඇතැයි වාර්තා වේ.
නිශාන්ත මෙසේ හදිස්සි විධායක කිමිටු රැස්වීමක් කැඳවා ඇත්තේ සුපුරුදු පරිදි අඟහරුවාදා දිනයේදී පැවැත්වෙන විධායක කමිටු රැස්වීමට ඔහුට සහභාගිවීමට නොහැකි වන නිසාය.
ඔහුට අගහරුවාදා රැස්වීමට සහභාගිවීමට නොහැකි වී ඇත්තේ මේ වන විට විදෙස්ගතවීමේ වාර්තාවක් තබා තිබෙන ඔහු නැවත වරක් අන්තර් ජාතික ක්‍රිකට් කවුන්සිලයේ රැස්වීමකට සහභාගිවීම සඳහා විදෙස් ගතවීමට නියමිතව සිටි බැවිනි.
නිශාන්තගේ උපදෙස් මත අදාල හදිස්සි විධායක කමිටු රැස්වීම කැඳවූ ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා හා නිහාන්තගේ ලේකම්වරිය වන චයනි ද ජයන්තගෙන් නොසෑහෙන්න බැනුම් අසා ඇති බව වාර්තා වේ.
ක්‍රිකට් ආයතනයේ සභාපති ජයන්ත සිය බලතල පාවිච්චි නොකිරීමත්, එහි ලේකම්වරයා වන නිශාන්ත අනිසි ලෙස බලතල පාවිච්චි කිරීමත් නිසා පසුගිය කාලයේදී ක්‍රිකට් විචාරකයන් බොහෝ දෙනෙකු ජයන්ත වැනි සභාපතිවරයෙකු පොල්පිත්තකින් කපාගත හැකි බව ප්‍රසිද්ධියේ පවසා තිබිනි.
(srilankamirror)
