පාර්ලිමේන්තුවේ බහුතරය තබා මන්ත්‍රීවරුන්ගේ 100 දෙනෙකුගේ හෝ විශ්වාසය දිනා ගැනීමට මෙතෙක් ජනාධිපතිවරයා සමත්ව නැත. ඔහු සතුව තිබෙන එකම තුරුම්පුව තව දුරටත් මරි මොඩයකු සේ හැසිරෙමින් නීති විරෝධී ලෙස පාර්ලිමේන්තුව විසුරුවා හැරීමට තීන්දු කිරීම හෝ ජනාධිපතිධුරයෙන් නම්බු ඇතිව ඉල්ලා අස්වීමය.
බැසිල් රාජපක්ෂට සමීප ආරංචි මාර්ග පවසන්නේ මේ මොහොතේ මහින්දගේ නායකත්වයෙන් ආණ්ඩුවක් පිහි‍ටු වීමට යෑම දේශපාලනිකව සිය දිවි නසා ගැනිමක් බවය. මේ තත්වය මත සිරිසේනව හුදකළා කොට ඔහු විසින් සිදු කරනු ලැබූ රාජ්‍ය ද්‍රෝහී ක්‍රියාවට එරෙහිව දෝෂාභියොගයක් ගෙන විත් ඔහු ඉවත් කර ජනාධිපතිවරණයකට යෑම වඩා යොග්‍ය බව එම පාර්ශ්වයේ මතය වී තිබේ.
දේශපාලන ආරංචි මාර්ග පවසන ලෙස මේ වන විට බැසිල් රාජපක්ෂ සහ රනිල් වික්‍රමසිංහ අතර රහසිගත සාකච්ඡාවක් සිදුව තිබේ. මීට පෙර අප විසින්ද හෙළි කරනු ලැබුවේ මංගල සමරවීර හා බැසිල් රාජපක්ෂ අතර රහස් සාක්ච්ඡාවක් සිදුව තිබූ බවය. එහිදීද ද අවධාරණය කරනු ලැබුවේ ජනාධිපතිවරයාට එරෙහිව දෝෂාභියොගයක් ගෙන එමට සැලසුම් කෙරෙමින් පවතින බවය.
මේ අනුව අගමැති රනිල් වික්‍රමසිංහ තව දුරටත් අගමැතිවරයා ලෙස නිරුපද්‍රිත වනු ඇත. ඊට බැසිල් පාර්ශ්වයේද සහය හිමි වීමට සිදුවනු ඇතැයි එම පාර්ශවයට සමීප පිරිස් පෙන්වා දෙයි.
