ශ්‍රිලංකවේ යුරෝප සංගම් තානාපතිවරයා ප්‍රංශය, ජර්මනිය, ඉතාලිය නෙදර්ලන්තය, රුමේනියාව,නොර්වේ , ස්විස්ටර්ලන්තය යන රටවල තානාපතිවරුන් , ශ්‍රීලංකාවේ බ්‍රිතාන්‍ය මහ කොමසරිස් ඒකාබද්ධව මෙම නිවේදනය නිකුත් කොට තිබේ. මෙරට ජනතාව නීතියේ ආධිපත්‍යය, ප්‍රජාතන්ත්‍රවාද්ය කෙරෙහි තබ ඇති විශ්වාසය අඛන්ඩව පවත්වාගෙන යෑම සඳහා සියලු පාර්ශ්ව ආණ්ඩුක්‍රම ව්‍යවස්ථාවේ ප්‍රතිපාදන වලට ගරු කළ යුතු බව ද එහි සදහන්ය.
මේ අනුව යුරෝපා සංගමය GSP+ තීරුබදු සහනය ඉවත් කර ගැනිම නියත වශයෙන්ම සිදුවනු ඇති බව පැහැදිලිය. ප්‍රජාතනත්‍රවාදය හා නීතියේ ආධිපත්‍ය නොසලකා ඒකාධිපති ලෙස කටයුතු කරන රාජ්‍යන්ට මෙම සහනය ලබා නොදීම යුරෝප සංගමයේ ප්‍රතිපත්තිය වන අතර පසුගිය රාජපක්ෂ සමයේ මෙම සහනය අත් හිටවනු ලැබුවේ මෙරට ප්‍රජාතන්ත්‍රවාදය හා නීතියේ ආධිපත්‍ය නොසලකා රාජපක්ෂවරු කටයුතු කිරීම නිසාය. පසුව රනිල් වික්‍රමසිංහ අගමැතිවරයා මැදිහත් ව මෙම සහනය ලබා ගැනීම සිදු කළෙය.
නැවත GSP+ සහනය ලැබිම නිසා මෙරට කඩා වැටි තිබු අපනයන නිශ්පාදන ආර්ථිකය යළි අළු ගසා නැගිටීම සිදු වූ අතර ඉතිහාසයේ වැඩිම අපනයන වර්ධනයක් ,ආදායමක් ලබුනේ පසුගිය දෙවසර තුලදීය.
ඩොලරයේ අගය ඉහළ යැම නිසා රට මුහුණ දි තිබෙන ආර්ථික ගැටලුව හමුවේ අපනයන ආදායම්( ඩොලර්) තව දුරටත් නොලැබී ගියහොත් පවත්නා අර්බුද්ධය කිහිප ගුණයකින් වැඩි වනු ඇත. මේ අතර මුදල් මුද්‍රණය කිරීම දෙගුණයකින් පමණ වැඩි කිරීම නිසා සහ GSP+ සහනය අහිමි වීම තුල ශ්‍රිලංකාව දැඩි ආර්ථික අර්බුධයකට ගොදුරුවීම වැලැක්විය හැකි නොවේ. එමෙන්ම මෙම වසර අවසානය වන විට සහ ලබන වසර තුලදි ගෙවීමට තිබෙන රුපියල් ට්‍රිලියන ගනනක ණය ගෙවීමේ හැකියාවද මේ වන විටත් අහිමිව තිබේ. වික්‍රමසිංහ පාලනය විසින් මෙම ණය ගෙවීම වෙනුවෙන් ඉතිරි කරගෙන තිබූ විදේශ සංචිත ඩොලරයේ අගය පාලන කිරීම වෙනුවෙන් රාජපක්ෂලා වැය කිරීම නිසා මෙම ණය අර්බුධයද උග්‍ර වෙනු ඇත. මේ අනුව ලබන වසර දැඩි ආර්ථික අර්බුධයක් ඇති කරනු ඇති අතර සියළු ශ්‍රිලාංකිකයන්ට මෙහි අහිතකර ප්‍රති විපාක විඳීමට සිදු වනු ඇත.
සිරිසෙනගේ සහ මහින්දගේ බලයට ඇති කෑදර කම නිසා දෙකෝටි විසිලක්ෂයක ජනතාවට දුක් විඳීමට සිදුව තිබීම අතිශය කණගා‍ටු දායක තත්වයකි.
