මේ වන විටත් ශ්‍රීලනීප මහ ලේකම්වරයාට නාම යෝජනා ගැටලුවට මුහුණ දීමට සිදුව තිබෙන බව ශ්‍රීලනිප ආරංචි මාර්ග පවසයි. එහෙත් ජනාධිපතිවරයා බරපතල දේශපාලන වියවුලක සිටීම හා නිශ්චිත තීන්දුවක් නොමැති නිසා මහ ලේකම්වරයාද අන්ද මන්ද වී සිටින බව සැලවේ.
මේ අතර ශ්‍රීලනිපයට , පොහොට්‍ටුව ලකුණෙන් තරග කළ යුතු බවට මහින්ද රාජපක්ෂ ගෙන තිබෙන තීරණය නිසා සිරිසේන කණ්ඩායම තව දුරටත් වික්ෂිප්තව සිටී. සිරිසේන කණ්ඩායමයට පොහො‍ටුවෙන් නාම යොජනා දීම සම්බන්ධයෙන් ඒ ඒ දිස්ත්‍රික් නායකයො මේ වන විටත් විරෝධය පළ කර ඇත, එමෙන්ම එජාපයෙන් එක්වූ පිරිසටද පොහොට්‍ටුවෙන් නාම යොජනා දුන් විට මේතෙක් කල් පොහොට්‍ටුව වෙනුවෙන් බැල මෙහෙවර කළ සංවිධායකයන් ගනනවකට අවස්ථාව අහිමි වෙනු ඇත.
මේ තත්වය මත ශ්‍රිලනිපය නියොජනය කරන මේ වන විට පාර්ලිමේන්තුවේ සිටින මන්ත්‍රීන්ට අමතරව සිරිසේන සමග සිටින වෙනත් ප්‍රදෙශීය සංවිධායකයන් බරපතල අවුලකට පත්ව තිබේ.
මේ සම්බන්ධයෙන් ශ්‍රීලනිපයේ සිරිසෙන පිලෙහි ජවය ලෙස හැදින් වූ දුමින්ද දිසානායක ඇතුලු කණ්ඩායම ශ්‍රිලනිපයේ අත ලකුණින් හ ඒජනිස බුලත් කොළය ලකුණින් හැර පොහොට්‍ටුව ලකුණින් තරග කිරීමට කිසිසෙත් එකග නැති බව පවසා ඇත.
