වංචාවෙන් උපයා ගන්න ලද මෙම මුදල් එවකට රහසිගතව මෙරටින් පිට කිරීම සඳහා සූක්ෂම ක්‍රමවේදයන් යොදාගෙන තිබිණි. මෙම මුදල් සම්බන්ධයෙන් තොරතුරු රැසක් මුල්‍ය අපරාධ කොට්ඨාෂය විසින් අනාවරණය කරගෙන තිබූ අතර ඒ සම්බන්ධයෙන් විමර්ශන කටයුතු සිදු වෙමින් පැවැතිනි.
නීති විරෝධීව උපයා ගනු ලැබු මෙම මුදල් මෙරට නිත්‍යානුකූල මුදල් ලෙස ගෙන ඒම සදහා පැවැති නෛතික ප්‍රතිපාදන වෙනස් කිරීමට මුදල් අමාත්‍යංශය කටයුතු කරමින් තිබෙන බව වාරතා වේ. මුදල් ඇමැති මහින්ද රාජපක්ෂ ජනතාවට බදු සහන දෙන මුවාවෙන් මෙම ප්‍රතිපාදන වෙනස් කිරීමට තරම් සටකපට වී තිබේ.
ඊයේ නිකුත් කළ නිවේදනයේ අංක 10 යටතේ ඇති නව ප්‍රතිපාදනය මගින් රාජපක්ෂලාට බදු ගෙවීමකින් තොරව මෙරට මුදල් රැගෙන ඒම ද සිදු කළ හැකි වනු ඇත.
ඊයේ මුදල් අමාත්‍යංශය නිකුත් කළ නිවේදනයෙන්..
10. ශ්‍රී ලංකාවෙන් පිටතට සපයන සේවාවන් මත විදේශ ව්‍යවහාර මුදලින් කරන ඉපයීම් මෙරටට ප්‍රේෂණය කිරීම දිරිගැන්වීම සදහා දේශීය ව්‍යවසායකයන් වෘත්තිකයන් සහ පිටරට සේවය කරන තැනැත්තන් විසින් ප්‍රේෂණය කරන මුදල් ආදායම් බද්දෙන් නිදහස් කෙරේ.
