මෛත්‍රී පාර්ශ්වය මේ වන විටත් භාරකාර ආණ්ඩුවක් වශයෙන් නව ආණ්ඩුක්‍රම සංකල්පයක් ප්‍රකාශයට පත් කර ඇති අතර ඒ අනුව ඉදිරි දෙවර්ෂය සඳහා පිහිටුවන භාරකාර ආණ්ඩුවේ අගමැතිධුරය මහින්ද රාජපක්ෂ මහතාට ලබාදිය යුතු බව එම කණ්ඩායම පෙන්වා දෙයි.
ඒකාබද්ද විපක්‍ෂයේ කැදවුම්කරු පාර්ලිමේන්තු මන්ත‍්‍රී ප‍්‍රසන්න රණතුංග මහතා සදහන් කරන්නේ අගැමැති රනිල් වික්රමසිංහ මහතා ඇතුළු එක්සත් ජාතික පක්‍ෂ ඇමතිවරුන් එම ධුරයන්ගෙන් ඉවත් කරන්නේ නම් ජනාධිපතිවරයාගේ යෝජනාවට එකඟ වන බවයි.
ඉන් අනතුරුව පිහිටුවන නව ආණ්ඩුවේ භාරකාර ඇමති ධුරයන් ලබා ගැනීමටද සූදානම් බවද ඔහු සදහන් කරයි.
මේ අතර ඒකාබද්ද විපක්‍ෂය නියෝජනය කරන පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා සදහන් කරන්නේ නව ආණ්ඩුවේ අගමැති ධුරය හිටපු ජනාධිපති මහින්ද රාජපක්ෂ මහතාට ලබා දිය යුතු බවයි.
