මහියංගණය සිට බදුල්ල දෙසට නීතිවිරෝධී ආකාරයට පෙළපාලියක් පැමිණෙන බවට ලැබුණු පැමිනිල්ලක් මත මැතිවරණ නිලධාරීන් දෙදෙනා පොලීසිය සමග එම ස්ථානයට ගොස් තිබේ.
සිද්ධිය වන අවස්ථාවේදී හිටපු පළාත් අමාත්‍යවරයාගේ සොහොයුරෙකු වන නිදහස් සන්ධානය නියෝජනය කරන පාර්ලිමේන්තු මන්ත‍්‍රීවරයෙකු ද මෙම පෙළපාලියේ සිට ඇත.
මේ දිනවල පැවැත්වෙන උසස් පෙළ විභාගය හේතුවෙන් නාමයෝජනා භාරදීමෙන් පසුව පෙළපාලි නොයන ලෙස මැතිවරණ කොමසාරිස්වරයා සියලූම දේශපාලන පක්ෂවලට දැනුම්දී තිබිණ.
කෙසේ වෙතත් මැතිවරණ නිලධාරීන්ට බැන තර්ජනය කිරීමේ සිද්ධිය සම්බන්ධයෙන් පොලීසියට පැමිණිලි කිරීමට අවශ්‍ය පියවර ගෙන ඇති බව මැතිවරණ කාර්යාලයේ ප‍්‍රකාශකයෙකු සඳහන් කළේය.
මැතිවරණ කොමසාරිස්වරයාගේ නියෝග සහ බදුල්ල නියෝජ්‍ය පොලිස්පතිවරයා විසින් ලබාදී ඇති නියෝග නොතකා පක්ෂ සලකුණු සහිත ධජ සහිතව රැස්වී සිටි මෙම පිරිස විසිරුවා හැරීම සදහා ඉක්මන් පියවර ගන්නා ලෙස කැෆේ සංවිධානය, බදුල්ල ජ්‍යෙෂ්ඨ නියෝජ්‍ය පොලිස්පතිවරයා වෙත ලිඛිතව දැනුම්දී තිබිණ.
