නාට්‍ය අනු මණ්ඩලයේ සභාපති කේබී හේරත් මහතාගෙන් මේ ගැන විමසීමේදී ඔහු පවසා සිටියේ තමන් සතුව එවැන්නක් නොමැති බවත් එය කලා මණ්ඩලයෙන් ලබා ගන්නා ලෙසය. පසුව කලා මණ්ඩලයේ සභාපති චන්ද්‍රගුප්ත තේනුවර මහතාගෙන් විමසු විට පැවසූවේ ‘ඊයේ (06) රාත්‍රියේදි එම ලේඛනය සැකසූ නමුත් අද නිවාඩු දිනයක් බැවින් ඒ ලබා දිය නොහැකි‘ බවය.
කෙසේ නමුත් මෙම සම්මාන උළෙලෙදී සම්ම්මාන ලබා දුන්නේ කවුරු විසින් කවර නිර්දේශයක් අනුවද යන්න ගැන මේවන විට බරපතල ගැටලුවක්ව මතුවේ. සම්මන උළෙලක්දී තමන් සම්මාන දෙන්නේ කාටද යන්න එම සම්මාන උළෙලට පෙර අවසන් විනිශ්චයේදී සකස් කළ යුතුව තිබේ. එහෙත් මේ සම්මාන බෙදිල්ල, එම උළෙල අවස්ථාවේදී හිතෙන හිතෙන අයට සම්මාන බෙදිල්ලක් බව ඉතා පැහැදිලිය. මේ චන්ද්‍රගුප්ත තෙනුවරලා අවුරුදු ගානක් වලිකා හදා ගත්තු යහපාලන සිස්ටම් එකද විය හැකිය. ඒ අපි දන්නෙ නැත. ඒ අනුව තමන් සම්මාන දුන්නේ කාටද යන්න ගැනවත් නොදන්නා නාට්‍ය අනුමණ්ඩලයක් කලා මණ්ඩලය සංවිධානය කළ මෙවර සම්මාන උළෙලට නාටය වේදීන් දැක්වු විරෝධයද මේ අනුව අතිශය සාධාරණ බව පැවසිය හැකිය.
