එම මරණය පිළිබඳ පුළුල් විමර්ශනයක් සිදුවෙමින් තිඛෙන අතර මේ වන විට කිහිපදෙනෙකු අත් අඩංගුවට ගෙන පරීක්ෂණ සිදුවන බව ද මාධ්‍යය වාර්තා කර ඇත. පොලිස් කණ්ඩායම් කිහිපයක් මේ සඳහා යොමු කර ඇති බවද වාර්තාවේ. ලංකා ගුරු සංමයද මේ පිළිබඳ විධිමත් පරීක්ෂණයක් සිදු කරන ලෙස පොලිස්පත්වරයාගෙන් ඉල්ලා සිටින ලදී.
මෙවැනි පසුබිමක සුසිලා හේරත් ගුරුතුමියට අද දින මෙම මරණ තර්ජන ලිපිය යොමුවීම සැකයට තුඩු දෙන්නකි. මෙම සිද්ධිදාමයේ වෙනත් බලවේගයක් ක්‍රියාත්මක වන බව පෙන්වීම අරමුණු කරගෙන හෝ පුණ්‍යසේන මහතාගේ මරණය පිළිබඳ සිදුවන විමර්ශනය වෙනත් දිශාවකට යොමු කිරීමේ අරමුණින් හෝ සිදුවූ කි්‍රයාවක් විය හැකිය.
එසේම පුණ්‍යසේන මහතාගේ මරණයත් සමග තැතිගැන්මට ලක්ව ඇති ගුරුවරිය තවදුරටත් බියගැන්වීම ද මෙතුළින් සිදුවන බව පැහැදිලිය. මෙම තත්වය තුළ මෙම ලිපිය පිළිබඳව පුළුල් විමර්ශනයක් සිදුවිය යුතු බව ලංකා ගුරු සංගමය ප්‍රකාශ කර සිටී.''
