වරාය ඒකාබද්ධ වෘත්තීය සමිති එකමුතුවේ සම කැඳවුම් හා ශ්‍රීලංකා නිදහස් සේවක සමිතියේ සභාපති කරු ප්‍රසන්න කළුතරගේ මහතාගෙන් අප කළ විමසීමෙදී පැවසූවේ. වරාය රණතුංග පවුලේ පාලනයෙන් බේරාගැනීම හා සේවකයන්ගේ රැකියා ආරක්ෂාකර ගැනීම සඳහා මෙයට පෙර ආරම්බ කළ ඉල්ලීම් 5ක් මුල් කර ගත් අරගලයට අගමැතිවරයා මැදිහත්ව ලබා දුන් විසඳුම් හෝ මෙතෙක් ක්‍රියාත්මක කිරීමට වරායා පාලන අධිකාරිය අසමත්ව ඇති බවය.
පසුගියදා වරායේ සම්පත් භාවිතා කරමින් රණතුංග පවුලේ සමීපතයන් වෙනුවෙන් ගෘහ භාණ්ඩ නිපදවන අයුරු වෘත්තීය සමිති නායකයන් විසින් මාධ්‍ය ට නිරාවරණය කරනු ලැබීය. මෙයින් උරණ වූ රණතුංග පවුල එම ගෘහභාණ්ඩ එකකයේ ආරක්ෂාවට සිටි ආරක්ෂකයන් දෙදෙනෙකුගේ වැඩ තහනම් කරනු ලැබීය. අනතුරුව වෘත්තීය සමිත් ඒ වෙනුවෙන් සටන් කර නැවත එම සේවකයන් දෙදෙනා සෙවයෙහි පිහි‍ටු වීමට සමත් විය. ඉන් අනතුරුව වෘත්තීය සමිති නායකයන් වෙත අභුත චෝදනා නගා ඔවුන් දඩයම් කිරීමේ සැලසුමක් දියත් විය.
වරාය උපවාසය ඇරබෙන්නෙ ඒ අනුවය. කෙසේ නමුත් රටේ දේශපාලන අධිකාරිය මේ රණතුංග පවුලේ මර්දනකාරී හා දූෂිත වරාය පාලනය ඉවත් නොකළ හොත් ඉදිරි සතියේදී දැඩි වෘත්තිය ක්‍රියාමාර්ගයක් වෙත එළඹිමට වරායේ සියලුම වෘත්තිය සමිති මේවන විට එකගතාවය ලබා දී තිබෙන බවද දැනගැනීමට ඇත.
මේ අතර වරායේ අභ්‍යන්තර ආරංචි මාර්ග පවසා සිටින්නේ වරාය වෘත්තීය සමිති නායකයන්ට හා ඔවුන්ගේ ක්‍රියාමාර්ග වලට එරෙහිව රණතුංග පවුල කටයුතු කරන්නේ ඒ හරහා වරායේ කටයුතු අඩපණ කොට , මේවන විට වරාය පෞද්ගලික කරණය කිරීම සඳහා අවශ්‍ය පරිසරය ගොඩ නගා ගැනීමට බවය. මෙවන විටත් වරාය නැගෙනහිර පර්යන්තය ජොන් කීල්ස් සමාගමට ලබා දීම සඳහා කටයුතු සිදු කරමින් පවතින බව හෙලිව තිබේ.
කෙසේ නමුත් ඒකාබද්ධ වෘත්තීය සමිති එකමුතුව පවසන්නේ කිසිවකුට හෝ වරාය පෞද්ගලික කරන කිරීමට තමන් ඉඩ ලබා නොදෙන බවය. ජාතියේ හදවත බඳු මේ ආයතය රැක ගැනීම තමන්ගේ ඒකායන බලාපොරොත්තුව බවත් ඒ විනාශ කිරීම සඳහා රණතුංග පවුල ගන්නා උත්සාහයද නියත වශයෙන්ම පරාජය කරන බවටත් ඔවුන් සහතික වෙයි.
