සැකකාර සුරාබදු නිලධාරියා ඊයේ (04) රුපියල් 50,000ක අල්ලසක් ගනිද්දී අත්අඩංගුවට ගත් බව අල්ලස් හෝ දූෂණ විමර්ශන කොමිසම නිවේදනය කර තිබේ.
නීති විරෝධී ලෙස මත්පැන් නිෂ්පාදන‍ය කරන කළුතර ප්‍රදේශයේ පදිංචි පුද්ගලයෙකුට එරෙහිව නීති මගින් කටයුතු නොකිරීම සඳහා අදාළ නිලධාරියා රුපියල් ලක්ෂ 5ක් අල්ලස් වශයෙන් ඉල්ලා ඇති බව සඳහන්ය.
ඒ අනුව එයින් ලක්ෂ හතර හමාරක්ම මීට කලින් අදාළ පුද්ගලයාගෙන් ලබා ගැනීමට හෙතෙම සමත්ව ඇති අතර ඊයේ එම ලක්ෂ පහේ ඉතිරි මුදල වන රුපියල් 50,000 ගැනීමට සැලසුම් කර තිබී ඇත.
ඒ අනූව ඩබ්ලිව්.ඒ.ඩී. රාමනායක මාවතේ පිහිටි පෞද්ගලික දුරකථන සමාගමකට අයත් ආපනශාලාවක් තුළදී ඉතිරි රුපියල් 50,000 මුදල ලබා ගනිමින් සිටියදී සැකකරු අත්අඩංගුවට පත්විය.
