ලසන්න ඝාතකයෝ චිත්‍රයෙන් මතුවෙයි

Published in පුවත්

Wednesday, 17 February 2016 12:08

Be the first to comment!

ලසන්ත වික්‍රමතුංග ඝාතනය පිළිබඳ සැක පුද්ගලයින් දෙදෙනෙකුගේ චිත්‍ර පොලීසිය විසින් මාධ්‍යට නිකුත් කර ඔවුන් පිළිබඳ පරීක්ෂණ පැවැත් වීමට ජනතාවගෙන් ආධාර ඉල්ලා ඇත.

ලසන්ත ඝාතනය කෙරෙන්නේ 2009 ජනවාරි 08 වැනිදාය. ඉන් අනතුරුව ගෙවුණු සය වසරක් ම ඔහුගේ ඝාතනය පිළිබඳ පරීක්ෂණ සිදු කෙරුණේ ඕනෑවට එපාවට ය. වෙනෙකක් තබා එවකට ආරක්ෂක ලේකම් ගෝඨාභය රාජපක්ෂ වරක් ප්‍රශ්න කර සිටියේ "කවුද ලසන්ත කියන්නෙ ? මෙච්චර මිනිස්සු මැරෙද්දි ඇයි එක ලසන්ත කෙනෙක් ගැන ඔච්චර හොයන්නේ" කියා ය.

ඝාතනයෙන් වසර හතකට පසුව හෝ පරීක්ෂණ යළි පණ ගැන්වීම වැදගත් ය. එහෙත් සත්වසරකට පසු පුද්ගලයකුගේ ස්වරූපය පිළිබඳව මිනිසුන්ගේ මතක වියැකී යාමට තිබෙන ඉඩ ඉතා වැඩි බැවින් සහ අදාල සැකකරුවන් තම බාහිර ස්වරූපයන් හොඳට ම වෙනස් කරගැනීමට ඉඩ ඇති බැවින් මෙම චිත්‍ර කොතෙක් දුරට ඵල දායී වෙයිද යන්න සැක සහිතය.

පසුගිය කාලයක් පුරාවට ලසන්ත ඝාතනය පිළිබඳව පරීක්ෂණ යට ගැසීමට ක්‍රියා කළ ඉහළ නිලධාරී න් පිළිබඳව පරීක්ෂණ කළ හැකි නම් එය මීට වඩා ඵල දායක වනු ඇත.

Lasantha2 Lasantha1