කුමන්ත්‍රණයක් සිදුකරමින් තමන්ගේ ආමාත්‍යංශවල වැය ශීර්ෂ පරාජය කිරීම සහ තමන්ට නොදන්වාම ඇමතිධූර වලින් ඉවත්කිරීමත් පදනම් කරගෙන මෙසේ වරප්‍රසාද ප්‍රශ්නයක් මතුකරමින් හෙතෙම සභාව තුල ප්‍රකාශයක් කිරීමට අවස්ථාව ඉල්ලා සිටියහ. නමුත් ඒ සඳහා දෙපාර්ශවයෙන්ම දැඩි විරෝධයක් මතුවූ අතර සභාපතිවරයා විසින් වර්ණසිංහ හිටපු ඇමතිවරයාගේ කතාව වලක්වන ලදි.
පළාත් සභා මන්ත්‍රීවරුන් වන මෙරින් පෙරේරා,මහේෂ අල්මේදා සහ ගුණසිරි ජයනාත් යන අය එම ප්‍රකාශය සිදුකිරීම වලක්වන ලෙස දැඩිසේ පළාත් සභාවේ සභාපතිවරයාගෙන් ඉල්ලා ඇත.
යහපාලන රජය තුල ජාතික හෙළ උරුමයට ඇති තැන කෙමෙන් කෙමෙන් නැතිවීයන බව අමාත්‍ය චම්පක රණවකගේ ලඟම සගයා වන නිශාන්ත වර්ණසිංහට අත්වූ ඉරණම තුලින් පෙනෙන්නට ඇත. කෙසේ වෙතත් මහ ඇමතිවරයා විසින් පවරාගත් අමාත්‍යංශවල වැය ශීර්ෂ සම්මතකරගැනීමෙන් පසු පුරුදු පරිදි කටයුතු කරමින් සිටියි.
