විශෙෂයෙන් ම මේ උද්‍යානයට විවේකයෙන් ගත කිරීමට පැමිණෙන ජනයාට නොසරුප් බසින් බැණ වැදීම් මෙම උද්‍යාන පාලකයන් දෙදෙනකු වෙතින් නිරන්තරයෙන්ම සිදුවෙමින් තිබේ. පෙම්වතුන තබා අඹුසැමියන්ටද මෙම උද්‍යානය තුල එකට වාඩී වී සිටීමේ අවසරය දැන් ඇත්තේ නැත.
ඊයේ(21) රාත්‍රී කාලයේදී තම ගැබිණි බිරීඳගේ සෞඛ්‍ය වෙනුවෙන් ඇවිදීම සඳහා මෙම උද්‍යානය වෙත රැගෙන ආ අවස්ථාවේදී මෙහි උද්‍යාන පාලකවරු දෙදෙනා ඉතා නින්දිත ලෙස තමන් අනාචාරයක යෙදීමට පැමිණ බව කියමින් බැණ වැදුනු බව එම සැමියා අප වෙත අදහස් දැක්වීය. එම අවස්ථාවේදී උද්‍යානයේ සිටි රජයේ ඉහල නිළධාරියකු ද ඊට මැදිහත් වී උද්‍යානපාලකුවරු දෙදෙනට බැණ වැදී ඇත. පසුව කළ සොයා බැලීමේදී හෙළි වූයේ මිරිහාන පොලීසියට අනුයුක්ත පොලිස් නිළධාරීන් වන එම පාලකයන් දෙදෙනාට එම ස්ථානයේ රාජකාරි කටයුතු පවරා ඇත්තේ යහපාලන රජයේ ප්‍රබල ඇමැතිවරයකු විසින් බවත් ඔවුන් දෙදෙනා එම ඇමැති බලතල තමන්වෙත පවරාගෙන කටයුතු කරමින් සිටින බවත්ය. උද්‍යාන කාර්යාලයේ අනෙකුත් සේවකයන්ටද මෙම උද්‍යාන පාලකවරු දෙදෙනා විශාල ගැටලුවක් බවත් දැන් ගැනීමට ලැබී තිබේ.
නාගරික කලාපයක විවේක උද්‍යාන අවකාශයන් විශේෂයෙන්ම රාත්‍රි කාලයේදී විවෘතව පැවැතීම අත්‍යවශ්‍ය කරුණකි. එමෙන්ම රාත්‍රියේදී පැමිණෙන ජනතාවගේ ආරක්ෂාව හා නිදහස තහවුරු කිරීමද සිදු විය යුත්තකි. එහෙත් එය විය යුත්තේ මෙවැනි මානසික අසහනකාරයන් වෙතින් නොවේ.
නාගරික ජනතාවගේ විවේකය විනෝදය සඳහා නිදහස් අවකාෂයන් සකස් කිරීම හා නාවල, නුගේගොඩ අවට වැසිජලය බැස යැවීමේ ප්‍රශ්නය නිමා කිරීමට 2013 වසරේදී නාවල 'හීන් ඇල' සංවර්ධනය හා ඒ ආශ්‍රිත 'වැලිපාක්' තෙත් බිම් උද්‍යානය සකස් කිරීම සිදු වූ අතර. එය මෙරට ප්‍රථම නාගරික තෙත් බිම් උද්‍යානය ලෙසද සැලකේ. එය නාගරික සංවර්ධන අධිකාරිය විසින් ඉදිකරන ලදී.
එවකට ද මෙලෙස උද්‍යානය පාලනය සිදුවූවද පැමිණෙන ජනතාව කෙරෙහි ගෞරවනීය ලෙස කටයුතු කරනු ලැබීය. එදා රජයේ ඔත්තු කරුවන්ගෙන්ද මේ උද්‍යාන පිරී පැවැතියද එය කිසිවකුට අවහිරයක් නොවන ලෙස පවත්ගෙන යාමට උත්සහ කරනු ලැබීය.
