එම අතුරුදන්වීම සම්බන්ධව අත්අඩංගුවේ සිටින සැකකරුවන් 11 දෙනාට අමතරව තවත් පුද්ගලයන් ගණනාවකගෙන් ප්‍රකාශ සටහන් කරගෙන තිබේ.
ඒ හැර එක්නැලිගොඩ මහතා සමඟ හිතවත්කම් පැවැත්වූ ඔහු රැගෙන ගොස් ගිරිතලේ කඳවුරේ රඳවාගෙන සිටීම හා එම කඳවුරේ ඒ අවස්ථාවේ සිටි නිලධාරීන් හමුදා ඒකක බාරව සිටි පිරිස ඔහු රැගෙන ගිය වාහනයට අදාළ පුද්ගලයන් එම බුද්ධි ඒකක මෙහෙය වූ නිලධාරීන් ඇතුළු තවත් වගකිවයුතු පුද්ගලයන් රැසකගෙන් ප්‍රකාශ ලබා ගැනීමට නියමිතව තිබේ. පසුගිය කාලයේ එසේ ප්‍රකාශ ලබාගත් ඇතැම් පුද්ගලයන්ගේ, ප්‍රගීත්ගේ අතුරුදන්වීම සම්බන්ධ වැදගත් තොරතුරු ගණනාවක් අනාවරණය කර ගැනීමට හැකිවී තිබේ. එම තොරතුරු තහවුරු කර ගැනීමට තවදුරටත් පරීක්ෂණ සිදු කෙරේ.
එක්නැලිගොඩ මහතා රාජගිරියේ සිට දඹුල්ලටත් එතැනින් ගිරිතලේ බුද්ධි ඒකකයටත් ගිරිතලේ සිට වැලිකන්දට සහ එතැනින් ත්‍රිකුණාමල‍යටත් රැගෙන ගොස් ඇති බවට බොහෝදුරට තොරතුරු සනාථ වී ඇත.
ප්‍රගීත්ගේ අතුරුදන්වීම පිටුපස සිටින පුද්ගලයන් මේ වන විටත් අනාවරණය වී ඇති අතර ඔහු එසේ සිදු කළේ කුමකටද යන්න ඔහු රහස් පොලිසියට කැඳවා ප්‍රශ්න කෙරෙනු ඇත.
dinamina
