මේ ප්‍රමාණය මෙරටට සැපයීමට ඔවුන් කටයුතු කරන්නේ වසරකට මෙරට මත්කුඩු භාවිතයට ලොල් වූ පිරිස වෙනුවෙන් කිලෝ තුන්දහසක පමණ ප්‍රමාණයක් අවශ්‍ය වන හෙයිනි.
අන්තර්ජාතික මත්කුඩු ජාවාරම්කරුවෝ මෙරට මත්කුඩු ජාවාරම්කරුවන් සම්බන්ධ කරගෙන විවිධ උපක්‍රම යොදමින් ඒ මත්කුඩු ප්‍රමාණය කෙසේ හෝ ආරක්ෂක අංශවලට හොරෙන් රටට ඇතුළු කිරීමට කටයුතු කරති.
මෙරට මුහුදු සීමාවට ආසන්න මුහුදු තීරයේ වසරකට හෙරොයින් අඩංගු කන්ටේනර් ලක්ෂ 15ක් පමණ විවිධ රටවල් වෙත ප්‍රවාහනය කෙරේ.
ඉන් කොටසක් මෙරටට ඇතුළු කරති. ව්‍යාජ මුහුදු මාර්ග, වරාය සහ කටුනායක ගුවන් තොටුපළ හරහා කෙසේ හෝ කුඩු කිලෝ තුන්දහස් පන්සියයකට වැඩි ප්‍රමාණයක් රට තුළට පිවිසුවන බව ද නාවික හමුදාපතිවරයා පවසයි.
silumina
