මෙම සමාගම කොහුබත් අපනයනය කරන සමාගමක් වන අතර, ඔවුන් විසින් කොහුබත් සෝදන ජලය දැදුරු ඔයට බැහැර කරන බවත්, එම නිසා දැදුරු ඔයේ ජලය පානය කිරීමට නුසුදුසු තත්ත්වයක පවතින බවත් මධ්‍යම පරිසර අධිකාරිය මගින් සකස් කළ වාර්තාවක් මගින්ද තහවුරු කර තිබිණි. කෙසේවෙතත් වයඹ පළාත් මධ්‍යම පරිසර අධිකාරියේ සහ කොබෙයිගනේ පොලීසිය ඇතුළු අවට පොලීසිවල ඉහළ නිලධාරීන්ට විවිධ වරපුසාද ලබා දෙමින් මෙම සමාගම අදාළ පරිසර විනාශය දිගින් දිගටම සිදු කරන බව මීට පෙර මාධ්‍ය මගින් හෙළි කර තිබිණි.
මේ වනවිට පරිසරවේදී රවීන්දු කාරියවසම් මහතා ඇතුළු පිරිස පොලීසියේ රදවාගෙන පුශ්න කරන බවත්, එම ස්ථානයට අදාළ සමාගමේ පාලනාධිකාරියද පැමිණ ඇති බවත් පොලීසියේ අභ්‍යන්තර ආරංචි මාර්ග සදහන් කරයි.
