මේ වනවිට එම සිසුවාව පඹහින්න රෝහලෙන් බලංගොඩ රෝහලට මාරු කැර යවා අැත.
මැර පිරිසේ පුද්ගලයින් පස් දෙනෙකු පැමිණ අත්පා බැඳ මෙම පහරදීම සිදුකර ඇති බව වාර්තා වෙයි.
මේ සම්බන්ධයෙන් අදහස් දැක්වූ ශිෂ්‍ය ක්‍රියාකාරිකයෙකු පැවසූවේ සමාජ විද්‍යා හා භාෂා පීඨයේ පළමු වසරේ අධ්‍යාපනය ලබමින් සිටි දමිළ සිසුවෙකු මෙසේ ප්‍රහාරයට ලක්වූ බවයි.
මීට පෙරද මුස්ලිම් සිසුන් ඉලක්ක කර ගනිමින් යම් යම් සිදුවීම් ඇති කිරීමට බාහිර ජාතිවාදී මැර පිරිස් උත්සාහ දැරූ නමුත් ශිෂ්‍ය ශිෂ්‍යාවන්ගේ මැදිහත්වීම මත එවැනි ජාතිවාදී වුවමනාවන් ඉටු කර ගැනීමට මැරයන්ට නොහැකි වූ බව අවධාරණය කළ ඔහු වැඩිදුරටත් පැවසූවේල මෙම මැර ප්‍රහාරයද බොහෝදුරට ජාතිවාදී උන්මත්තකයන්ගේ ප්රහාරයක් විය හැකි බවයි.
ඔවුන්ට අවශ්‍යවී ඇත්තේ විශ්වවිද්‍යාල ජාතීවාදී ගැටුම් අවුලාලීමට වූ නමුත් ජාතික සමගිය සවිමත් කරමින් සිංහල දෙමළ මුස්ලිම් බේදයකින් තොරව ඊට එරෙහිව සියළු දෙනා එක්ව නැගී සිටින බවයි.
