තමන් මහින්ද රාජපක්ෂ මහතාට පක්ෂපාත ලෙස කටයුතු කළේ මැතිවරණ ජයග්‍රහණය වෙනුවෙන් පමණක් බවත් පිට ඉල්ලීම් කා රාජපක්ෂ විරෝධීන් ලෙස කටයුතු කළ සියලු දෙනාම පරාජයට පත්ව තිබීමෙන් තමන් විසින් අනුගමනය කළ උපක්‍රමය සාර්ථක බවත් ඔවුන් කරුණු පෙන්වා දී ඇත.
නව පාර්ලිමේන්තුවේදී ජනාධිපතිවරායාට පක්ෂපාතව සේවය කිරීමට සූදානම් බවත් ඔවුන් දැනුම් දි තිබේ. එම පිරිස අතර සන්ධානය නියොජනය කළ පක්ෂ නායකයන් කිහිප දෙනෙකුම සිටින බවත් ජනාධිපති කාර්යාල ආරංචි මාර්ග පවසයි.
ඒ අතර පසුගිය කාලයෙහි ඇමැතිවරයකු ලෙස කටයුතු කළ තමන්ට දැන් විපක්ෂයේ සාමාන්‍ය මන්ත්‍රීවරයකු ලෙස කටයුතු කිරීමේ දැඩි අපහසුවක් තිබෙන බවත් විශේෂයෙන්ම තමන් අඹුදරුවන් හා ගෙවූ ජීවිතය යළි පහළ තත්වයකට ඇද වැටීම දරා ගැනීමේ අපහසුවට තම පවුලේ සාමාජිකන්ද මුහුණ පා තිබෙන බවටද කරුනු දැක්වූ හිටපු ඇමැතිවරයකුද සිටින බවත් එම ආරංචි මාර්ග පවසයි.
