සැකකරුවන් අත්අඩංගුවට පත්ව ඇත්තේ කොළඹ ඩාර්ලි පාරේ පෞද්ගලික රථ ගාලක් අසලදීය. අත්අඩංගුවට ගත් සැකකරුවන්ගෙන් දෙදෙනෙකු ත‍්‍රීරෝද රථයකින් ගමන් කරමින් සිටිය දී පළමුව අත්අඩංගුවට ගෙන ඇත.
ඔවුන් සන්තකයේ තිබී සොයාගත් මත්කුඩු ප‍්‍රමාණය ග‍්‍රෑම් 25ක්වේ.
පසු කළ ප‍්‍රශ්න කිරීම්වලදී ජාවාරමට සම්බන්ධ අනෙක් පුද්ගලයා ද අත්අඩංගුවට පත්ව ඇත. ඔහු සන්තකයේ ද තිබී මත්කුඩු ග‍්‍රෑම් 25ක් සොයා ගත් බව පානදුර වලාන දුරණ මර්දන ඒකකය කියා සිටියි.
අත්අඩංගුවට ගත් හෙරොයින් තොගයේ වටිනාකම රුපියල් ලක්‍ෂ 05කි.
වයස අවුරුදු 23ත් 58ත් අතර පසුවන සැකකරුවන් මාලිඟාවත්ත ප‍්‍රදේශයේ පදිංචිකරුවන්වේ.
එක් අයෙකුගේ නිවසේ තිබී මත්කුඩු කිරීම සඳහා භාවිත කරන ඩිජිටල් තරාදියක් ද සොයාගෙන ඇත. වැඩිදුර පරික්‍ෂණ සඳහා සැකකරුවන් මරදාන පොලිස් ස්ථානය වෙත අද උදෑසන භාරදී තිබේ.
