අදාළ මරණය හදිසි අනතුරකින් සිදු වූවක් නොවන බව පොලිසිය මීට දින කිහිපයකට පෙර අධිකරණයට දැනුම් දුන්නේය. පරීක්ෂණ කටයුතු සඳහා මිනිය ගොඩ ගැනීමේ අවශ්‍යතාවයක් පිළිබඳව ද පුවත් වාර්තා වී තිබිණි.
මෙකී ඝාතනය පසුපස ප්‍රබල දේශපාලන සම්බන්ධයක් සහ මෙතෙක් මෙම ඝාතනය වසන් කිරීම පසුපස ද එවන්ම ප්‍රබල නිලධාරී සම්බන්ධයක් පිළිබඳව රට සෑම තැනම පාහේ කියවෙන බැවින් අදාල සුසාන භූමියට පොලිස් ආරක්ෂාව යෙදවීම වැදගත් වනු ඇත. මන්දයත් පණපිටින් සිටි මිනිසුන් දුහුවිල්ලක් හෝ සොයාගත නොහැකි ලෙස අතුරුදන් කෙරුණු ආසන්න අතීතයක් අපට ඇති බැවින් මළ මිනියක් අතුරුදන් කිරීම මහා අරුමයක් නොවීමට ඉඩ ඇති නිසා ය.
