මහ මැතිවරණයෙන් අනතුරුව පත්වන රජයට කිසිදු සහයෝගයක් දෙමළ ජාතික සන්ධානය නොදැක්විය යුතු බවත් යුද අපරාධ සම්බන්ධයෙන් අන්තර්ජාතික පරීක්ෂණයක් පැවැත්වීමට පාර්ලිමේන්තුව තුළ සිට රජයට බලපෑමක් කළ යුතු බවත් දෙමළ ඩයස්පෝරාවේ මතය වී තිබේ.
එහෙත් දෙමළ ජාතික සන්ධානයේ නායක ආර්. සම්බන්ධන් මහතාගේ සහ එම පක්ෂයේ ජ්‍යෙෂ්ඨයන් පිරිසකගේ මතය වී ඇත්තේ ජනාධිපති මෛත්‍රීපාල සිරිසේන මහතා සමඟ සහයෝගයෙන් කටයුතු කොට තම ප්‍රශ්න විසඳාගත යුතු බවයි.
කෙසේ වෙතත් දෙමළ ජාතික සන්ධානයේ ප්‍රබලයකු වන උතුරු පළාතේ ප්‍රධාන අමාත්‍ය සී.වී. විග්නේශ්වරන් මහතා මේ ප්‍රශ්නයේදී දරන්නේ දෙමළ ඩයස්පෝරාවට හිතවාදී මතයක් බව වාර්තාවේ.
ඔහු පසුගිය කාලයේදී ඇමෙරිකාවේ ද සංචාරයක නියැළුණු අතර එහිදී ඇමෙරිකාව කේන්ද්‍ර කොටගෙන ක්‍රියාත්මක වන ඩයස්පෝරා සංවිධායකයන් සමඟ මේ සම්බන්ධයෙන් සාකච්ඡා කොට තිබේ.
මේ අතර උතුරු පළාතේ මහ ඇමැතිවරයා ලෙස තමා ස්වාධීනව කටයුතු කරන බවත් මහමැතිවරණයේදී කිසිම පැත්තක් නොගන්නා බවත් විග්නේශ්වරන් මහතා පසුගියදා ප්‍රකාශ කළේ ය.
silumina
