අදාළ මුදල් ලබා ගැනීම සඳහා විශ්‍රාමිකයාම ප්‍රාදේශීය ලේකම් කාර්යාල වෙත පැමිණිය යුතුය, හැඳුනුම්පත් ලබා දිය යුතු ය යන කොන්දේසි සියල්ල ඒ අනුව අහෝසි වී යනු ඇත.
මේ සම්බන්ධයෙන් දැනුම් දීම සඳහා අද අමාත්‍යංශයේ පැවැති මාධ්‍ය හමුවක දී මෙම කරුණු අනාවරණ කළේය.
ඒ අනුව ලබන මස 10 වැනිදා සිට සාමාන්‍ය පරිදි විෂමතා ඉවත් කළ විශ්‍රාම වැටුප ද ලබා ගැනීමේ හැකියාව බවයි අමාත්‍යවරයා පැවසුවේය.
මුදල් අමාත්‍ය රවී කරුණානායක මහතාගේ ප්‍රධානත්වයෙන් පැවැති මාධ්‍ය හමුවට විශ්‍රාම වැටුප් දෙපාර්තමේන්තුවේ අධ්‍යක්ෂ ජනරාල් එස්. එස් හෙට්ටිආරච්චි මහතා ඇතුළු නිලධාරීන් ද එක් ව සිටියේය.
2006 වසරට පෙර විශ්‍රාම ගිය රාජ්‍ය සේවකයන්ගේ විශ්‍රාම වැටුප ද 6/2006 වැටුප් ව්‍යුහයට සමගමීව සංශෝධනය කිරීමට පසුගිය දා තීරණය කෙරුණි. ඒ අනුව විශ්‍රාමිකයන් 330,000කගේ වැටුප් විෂමතා ඉවත් වනු ඇත. මේ යටතේ විශ්‍රාමිකයන්ට රුපියල් 3,000 සිට 10,000 දක්වා මුදලක් ලැබීමට නියමිතය.
