‍‍‍‍‍‍‍‍‍‍‍‍‍‍‍‍‍‍‍‍Google සභාපති ලංකාවට-සැමටම නොමිලේ ඉන්ටනෙට්

Published in පුවත්
Tuesday, 28 July 2015 14:40

‍‍‍‍‍‍‍‍‍‍‍‍‍‍‍‍‍‍‍‍Google සමාගම ඔවුන්ගේ අලුත්ම ව්‍යාප්තියක් ලංකාව තුළ අාරම්භ කිරීමට එකග වී අැත. මෙය සැමට නොමිලේ ඉන්ටනෙට් ලබාදීමට ගන්නා උත්සාහයකි. මෙමගින් බලාපොරොත්තු වන්නේ ඩිජිටල්කරනය තුලින් අලුත් ආර්ථික ව්‍යුහයක් සැකසීමය.

පසුගිය රාජපක්ෂ පාලන සමයේදී ද ගූගල් සමාගමේ අධ්‍යක්ෂකවරු දෙදෙනෙක් ව්‍යාපෘතියක් දියත් කිරීමට ලංකාවට පැමිණි අතර ඒ සදහා බැසිල් රාජපක්ෂ මහතා මැදිහත්වී ඒ හරහාද වාසි ලබා ගැනීමට උත්සාහ කළේය. මේ තත්වය වටහා ගත් ගූගල් සමාගමේ අධ්‍යක්ෂකවරු ව්‍යාපෘතිය අතහැර දමා අාපසු ගියේය.

දැන් ලංකාවේ පවතින වාතාවරණය පිළිබද සතුටට පත් එම සමාගම ලංකාව තුළ ඔවුන්ගේ අලුත්ම ව්‍යාප්තිය දියත් කිරීමට සූදානම්ය.මේ සමග ගුගල් සමාගම සමග එක්වී සමස්ත ශ්‍රී ලංකාවම ආවරණය වන පරිදි අන්තර්ජාල පහසුකම් සපයන ලෝකයේ පළමු රට ශ්‍රී ලංකාව බවට පත්වේ.

මුළු රටම ආවරණය වන පරිදි අධිවේගී අන්තර්ජාල පහසුකම් සැපයීම සදහා ගුගල් ආයතනය සමග ඓතිහාසික ගිවිසුමක් අද (28) දින අත්සන් කෙරෙන බව විදේශ කටයුතු, විදුලි සංදේශ හා තොරතුරු තාක්ෂණ අමාත්‍ය මංගල සමරවීර මහතා නිවේදනය කර සිටියි.ඒ වෙනුවෙන් ගූගල් සමාගමේ සභාපතිවරයාද ලංකාවට පැමිණියේය.

ඉහල උන්නතාංශයකින් සමන්විත බැලූන් උපයෝගී කරගනිමින් ගුගල් ලූන් ඔස්සේ ශ්‍රී ලංකාවේ සෑම බිම් අඟලක්ම ආවරණය කරමින් අන්තර්ජාලයට පහසුවෙන් ප්‍රවේශ වීමට හැක.

සමස්ත රටම අන්තර්ජාල සම්බන්ධතාවයෙන් ආවරණය වූ ලෝකයේ පළමු රට බවට ශ්‍රී ලංකාව දැන් පිය නගනු ඇත.

මේ පිළිබදව අදහස් දක්වමින් අමාත්‍ය සමරවීර මහතා සදහන් කරන්නේ ගුගල් සමාගම සමග එක්වී සමස්ත ශ්‍රී ලංකාවම ආවරණය වන පරිදි අන්තර්ජාල පහසුකම් සපයන ලෝකයේ පළමු රට ශ්‍රී ලංකාව බවයි.

ඔහු වැඩි දුරටත් පවසන්නේ, 21 වන ශතවර්ෂයේ දී අපගේ ජීවිතයේ සියළු අංග අන්තර්ජාලය හරහා යලි හැඩගැස්වෙනු ඇති බවත් අපගේ සිසුන්ට දැන් හාවර්ඩ් විශ්වවිද්‍යාලයේ ඉංජිනේරු පාඨමාලා සජීවීව හැදෑරිය හැකිවා පමණක් නොව, දුර්ලභ පාලි අත්පිටපත් පවා අන්තර්ජාලය හරහා ලබාගැනීමට හැකි වී ඇත. එමෙන්ම පර්යේෂණ මගින් පෙන්වා දෙන පරිදි අන්තර්ජාලයට සම්බන්ධ කුඩා ව්‍යාපාර පෙර පැවතියාට වඩා දෙගුණයකින් වේගවත්ව ව්‍යාප්ත වන බව ද පෙන්වා දී ඇත.

නමුත් ලෝකයා සමග නියෙදීම පමණක් සම්බන්ධකතාව ලෙස හැදින්විය නොහැක. එය ශ්‍රී ලාංකිකයන් හා රාජ්‍ය සේවාවන් අතර අන්‍යෝන්‍යය සබදතාවක් ඇති කිරීමටද ඉවහල් වනු ඇත. සිංහල හා දමිළ මාධ්‍යෙව්දීන් හට “ගුගල් පරිවර්තන” හරහා ඉංග්‍රීසි භාෂාවෙන් ඇති තොරතුරු පරිවර්තනය කරගනිමින් සහෝදර මාධ්‍යවේදීන්ගේ පුවත්පත් වාර්තා හා ලිපි කියවා දැනගැනීමටත්, විවිධ භාෂා කථාකරන රටවල් අතර පවත්නා දුරස්ථ බව අවම කරගැනීමටත් ඉන් හැකියාව ලැබී ති‍බේ. නුදුරු අනාගතයේ දී “ස්මාර්ට් දුරකථන” ඔස්සේ සිංහල හා දෙමළ භාෂා අතර සමගාමී හඬ පරිවර්තනය මගින් සබඳතා වර්ධනය කරගැනීම වඩාත් ප්‍රචලිත වනු ඇත. අක්‍රමිකතා හා දුෂණ මර්ධනය කිරීමට හා රාජ්‍ය සේවාවන් වලට පහසුවෙන් ප්‍රවේශ වීමට අවකාශ සැලසීම පිණිස රජය විසින් අන්තර්ජාලය හරහා පහසුකම් ලබාදීමට බලාපොරොත්තු වෙමු.

තත්වය එසේ වුවද, බොහෝ ශ්‍රී ලාංකිකයන් හට තවමත් අන්තර්ජාල පහසුකම නැත. රජය විසින් තම දින 100 යේ වැඩපිළිවෙළ තුල ජනතාව නිරන්තරයෙන් ගැවසෙන ප්‍රසිද්ධ ස්ථාන අරඹයා නිදහස් wi-fi කලාප 150 ක් ඇතිකිරීමට පියවර ගන්නා ලදී. නමුත් එය ප්‍රමාණවත් නොවේ. මින් මතුවට “මාතර ආවරණය කරන ලදි.යාපනය ආවරණය කරන ලදි.'' වශයෙන් දැන්වීම් ඉතිහාසයේ මතක සටහන් වනු ඇත.

අද දින ගූගල් සමාගම සමඟ අත්සන් තබන මෙම ගිවිසුම හරහා ‘ගුගල් ලූන්’ තාක්ෂණය ඔස්සේ දෙවුන්දර තුඩුවේ සිට පේදුරු තුඩුව දක්වා සමස්ථ ශ්‍රී ලංකාවම ආවරණය වන පරිදි පහසු මිලට අධිවේගී අන්තර්ජාල පහසුකම ලබාගැනීමේ අවස්ථාව ශ්‍රී ලාංකිකයන් හට උදාවීම සමබන්ධයෙන්, ශ්‍රී ලංකා රජය වෙනුවෙන් මම ඉතාමත් ආඩම්බර වෙමි. එමගින් සමස්ත රටම ජාල සම්බන්ධතාවයෙන් ආවරණය වූ ලෝකයේ පළමු රට බවට ද ශ්‍රී ලංකාව පත්වනු ඇත.

හිතවතුනි, ඒ අනුව බාහිර ලෝකය හා එකිනෙකා අතර ඇති සබඳතාවය යලිත් ගොඩනගාගැනීමේ මාවතට ශ්‍රී ලංකාව අවතීර්ණ වී ඇති බව අවසන් වශයෙන් මා ප්‍රකාශ කිරීමට කැමැත්තෙමි. “ශ්‍රී ලංකාව ආවරණය කරන ලද බව” තව මාස කිහිපයකින් අපට සැබවින්ම පැවසීමට හැකි වනු ඇත."

2

5

3

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us