මෙහි අධ්‍යක්ෂ ජනරාල් රිද්ලේ ජයසිංහ මහතා ප්‍රකාශ කළේ මෙම පාඨමාලාව ආරම්භ කිරීම මගින් තරුණ පරපුරට වයස් ගත පුද්ගලයන් රැක බලාගැනීම වෘත්තිමය තත්වයක් බවට පත්වනු ඇති බවයි.
සමාජ සේවා හා සංවර්ධන දෙපාර්තමේන්තුවේ අධ්‍යක්ෂ සුවින්ද සිංගප්පුලි මහතා ප්‍රකාශ කලේ එවැනි ආකාරයේ රැකියා වලට ඉහල ඉල්ලුමක් පවතින බවයි . එන්මෙන්ම ඔවුන්ගේ වාර්තා වලට අනුව දරුවන් විසින් දේපළ පවරාගැනීමෙන් අනතුරුව අතහැර දමන ලද වැඩිහිටි පුද්ගලයන් සම්බන්ධව පැමිණිලි 200 පමණ වාර්තා වී ඇත.
ඔහු වැඩිදුරටත් ප්‍රකාශ කලේ මේ අවුරුද්දේ මුල් මාස හය තුල පමණක් තම දෙපාර්තමේන්තුවට එවැනි සිදුවීම් 150ක් පමණ වාර්තා වූ බවයි.
එමෙන්ම සමජ සේවා හා සංවර්ධන දත්ත වලට අනුව ශ්‍රී ලංකාවේ වෙසෙන ජනගහනයෙන් 16% ක් වයස අවුරුදු 60 වැඩි බවයි පැවසෙන්නේ. එමෙන්ම මෙම ප්‍රමාණය 2030 වනවිට 22% දක්වා වර්ධනය වනු ඇති බවයි දැනට ගණන් බලා තිබෙන්නේ.
මේ පිලිබඳ අදහස දැක්වූ සමාජ සේවා හා සමාජ සංවර්ධන අමාත්‍ය ෆීලික්ස් පෙරේරා පැවසුවේ වයස්ගත පුද්ගලයන් රැක බලාගැනීම පිලිබනද සිය අවධානය ඉක්මනින් යොමු කිරීමට බලාපොරොත්තු වන බවයි. ඔහු වැඩි දුරටත් ප්‍රකාශ කලේ 2030 වන විට ශ්‍රී ලංකාවේ වෙසෙන මිනිසුන්ගෙන් පස් දෙනෙකුගෙන් එක් අයෙක් වයස අවුරුදු 60ට වැඩි වනු ඇති බවයි. එය අනිකුත් ආසියානු රටවල් වලට සාපේක්ෂව වැඩි අනුපාතයක් බවයි පැවසෙන්නේ.
