කොළඹ සිට ජවිපෙ ක්‍රියාකාරීන් රත්නපුරයට ගියේ යුහුසුළුවය. රත්නපුර රෝහලට ඇතුළත් කර පසුව දිසානායක මහතා කොළඹ ජාතික රෝහලට මාරු කර එවීය. වෛද්‍ය නලින්ද ජයතිස්ස මහතා සිය නායකයාගේ තත්ත්වය පිළිබඳ දිගින් දිගටම වෛද්‍යවරුන්ගෙන් විමසූ අතර එය පක්ෂයටද දැනුම් දීමට වගබලා ගත්තේය.
විපක්ෂ නායක රනිල් වික්‍රමසිංහ ජයන්ත කැටගොඩ, තිලංග සුමතිපාල, ඇතුළු දේශපාලනඥයන් වැළ නොකැඩී අනතුරට පත් ජවිපෙ නායකයා බැලීමට ජාතික රෝහලට පැමිණියහ. කොහොමද දැන් තත්ත්වය යැයි වික්‍රමසිංහ මහතා දිසානායක මහතාගේ සුරත අල්ලමින් ඇසීය. දැන් නම් ටිකක් හොදයි.
වාහනය ඉස්සර කරන්න ගියා. වැරැද්ද අපේ යැයි අනුර කුමාර බිදුණු හඬින් කීවේය. මොන ප්‍රශ්න තිබුණත් අපි හැම වෙලාවෙම විමසිලිමත් වෙන්න ඕන. රියදුරා පිට වගකීම බාරදීලා ඉන්න හොඳ නැහැ. රියදුරා ගැනත් විමසිල්ලෙන් ඉන්න ඕනැ යැයි වික්‍රමසිංහ මහතා පවසා තිබේ.
