අද පස්වරු 5 පසුවී විනාඩි 45ට දකුණු දිශාභිමුඛව දේවාලයන්හි පෙරහර පිටත්ව සිරිත් පරිදි දන්ත ධාතු මන්දිරය ඉදිරිපිටට පැමිණේ.. එය සංවිධානය කර තිබුණේ රංජිත් අළුවිහාරේ මහතාය.

පසුව රාත්‍රී 7 පසුවී විනාඩි 50ට දකුණු  දිශාභිමුඛව පෙරහර පිටත්ව දළදා වීදිය (වෝඩ් වීදිය), ඩී.එස්. සේනානායක වීදිය (ත්‍රිකුණාමල වීදිය), ඔස්සේ පන්සල පාර දිගේ ඉහළට පැමිණ දේව වීදිය, කොළඹ වීදිය (ශ්‍රීමත් බෙනට් සොයිසා වීදිය) යටිනුවර වීදිය රජ වීදිය දිගේ ඉහළට විත් ගෙවදීම සිදුකරයි.

පැරණි රජ දවස සිට පැවත ආ චාරිත්‍ර යළි සිහිගන්වමින් මෙවර කුඹල් පෙරහරේදී විචිත්‍ර වර්ණ ගැන්වූ ඇඳුම් ආයිත්තම් වෙනුවට සුදු හා රන් වර්ණය පමණක් යෙදා නිම කළ ඇඳුම් ආයිත්තම් ශිල්පීන් හා අලි ඇතුන් සඳහා භාවිත කළ බව දියවඩන නිළමේ ප්‍රදීප් නිලංග දෑල මහතා කීය.