ඒ අනුව පොළොන්නරුව, අනුරාධපුර, මොණරාගල, අම්පාර, හම්බන්තොට, පුත්තලම, ති්රකුණාමලය, මන්නාරම, වව්නියාව, මුලතිව් සහ කිලිනොච්චි යන දිස්ති්රක්කවල ජනතාව පීඩාවට ලක්ව ඇති බව වාර්තා වේ.
විශේෂයෙන් කිලිනොච්චි දිස්ති්රක්කයේ අලිමංකඩ, කරච්චි ප්රදේශවල ජීවත්වන ජනතාව මෙන්ම වව්නියාව දිස්ති්රක්කයේ පෙරියකුලම්, මාන්කුලම් ප්රදේශවල ජීවත්වන ජනතාව පානීය ජලය ලබා ගැනීමේ දැඩි දුෂ්කරතාවයකට පත්ව සිටියි.
මුදල් අමාත්යාංශය සඳහන් කළේ නියඟය හේතුවෙන් පවුල් එක් ලක්ෂ 11,459 ක ජනතාව පීඩාවට ලක්ව ඇති බවයි.
වාරිමාර්ග දෙපාර්තමේන්තුවට අයත් ජලාශවල ජල මට්ටම 16% දක්වා පහත වැටී ඇති බව එම දෙපාර්තමේන්තුවේ අධ්යක්ෂ ජනරාල් භද්රා කමලදාස ප්රකාශ කළේය.
ජාතික ආපදා කළමනාකරණ මධ්යස්ථානය සඳහන් කළේ නියඟය පවතින ප්රදේශවල ජනතාවට දිස්ති්රක් ලේකම්වරු හරහා ජලය ලබාදීමට කටයුතු කර ඇති බවයි.
මේ අතර පවතින නියඟය හේතුවෙන් යාල, කුමන සහ විල්පත්තු යන ජාතික වනෝද්යානවල ජීවත්වන සතුන් පානීය ජල සහ උග්ර ආහාර හිඟයකටද මුහුණ දී සිටින බව වනජීවි අධ්යක්ෂ ජනරාල් එච්.ඞී. රත්නායක සඳහන් කළේය.
කෙසේ වෙතත්, කාලගුණ විද්යා දෙපාර්තමේන්තුව පවසන්නේ මෙම වියළි කාලගුණික තත්ත්වය ඔක්තෝම්බර් මාසය දක්වා පැවතිය හැකි බවයි.
(හිරු එෆ් එම් )
වාරිමාර්ග දෙපාර්තමේන්තුවට අයත් ප්රධාන ජලාශ හැත්තෑ දෙකේ ජල මට්ටම ඊයේ (31) වනවිට 16% දක්වා අඩු වී ඇති අතර, නියඟය පවතින දිස්ති්රක්ක සංඛ්යාවද 11 දක්වා ඉහළ ගොස් තිබේ.
Leave a comment