දෙමළ මාධ්‍ය නිදහස ඉල්ලා යාපනයේ උද්ඝෝෂණ

Published in පුවත්
Friday, 01 August 2014 09:28

උතුරේ සහ දකුණේ ජනමාධ්‍ය සංගම් කීපයක් සහ ස්වේච්ඡා සංවිධාන කීපයක් එකතුව යාපනයේ දී උද්ඝෝෂණ ව්‍යාපාරයක් ගෙන ගියහ.

කොළඹ පැවති ජනමාධ්‍යවේදීන් පුහුණු කිරීමේ වැඩමුළුවකට යාපනයේ සිට යමින් සිටි දෙමළ මාධ්‍යවේදීන් පිරිසකට වවුනියාව ඕමන්තෙයි මුරපොලේ දී යුද හමුදාවෙන් සහ පොලිසියෙන් එල්ල කෙරුණ බාධා කිරීම් සහ කොළඹ දී සංවිධානාත්මක පිරිසක් ඔවුන්ට හිරිහැර කිරීමට සූදානම් වීමට එරෙහිව මෙම උද්ඝෝෂණය දියත් කළ බව, නිදහස් මාධ්‍ය ව්‍යාපාරයේ කැඳවුම්කරු සුනිල් ජයසේකර මහතා ප්‍රකාශ කළේය. 

දෙමළ මාධ්‍යවේදීන් මර්දනය කිරීමේ උත්සාහයක් රජයට ඇති බව කී ඔහු යුද්ධයෙන් පසුව එවැනි තත්ත්වයක් කිසිවෙකුත් අපේක්ෂා නොකළ බවත් කියා සිටියේය.

මෙම උද්ඝෝෂණයේ අරමුණ රටේ ගොඩනැගී ඇති ඉහත කී තත්ත්වය සම්බන්ධයෙන් රජයට විරෝධය පළ කිරීම බව සුනිල් ජයසේකර මහතා තවදුරටත් කියා සිටියේය. 

දකුණේ සහයෝගය

දෙමළ මාධ්‍යවේදීන්ගේ සංගමයේ ටී. විනෝත් මහතා පවසන්නේ එදා සිටම මේ රටේ සෑම රජයක් ම දෙමළ මාධ්‍යවේදීන් මර්දනය කිරීමට පියවර ගැනීම සම්බන්ධයෙන් සිය සංගමයේ විරෝධය සියලු දෙමළ ජනතාව සමග එකතු වී පළ කරන බවයි.

දෙමළ මාධ්‍යවේදීන්ටද මේ රටේ සමාන අයිතිවාසිකමක් ඇති හෙයින් ඔවුන්ට එම අවස්ථාව ලබා දීම පිණිස තම සංවිධානය කටයුතු කරණ බව, දකුණු ආසියානු නිදහස් මාධ්‍ය සංගමයේ ලක්ෂ්මන් ගුණසේකර මහතා කියා සිටියේය. 

දෙමළ ජාතික සන්ධානයේ යාපනය දිස්ත්‍රික් පාර්ලිමේන්තු මන්ත්‍රීවරුන් වන මාවෙයි සේනාධිරාජා සහ සුරේෂ් ප්‍රෙමචන්ද්‍රන් ඇතුළු තවත් දෙමළ දේශපාලනඥයින් කීප දෙනෙකු ද මේ උද්ඝෝෂණයට එක්ව සිටියහ. 

(සංදේශය)

Leave a comment

ld add copy

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us