2015 ඡන්ද හිමි නාම ලේඛනය ද සකස් කර ඇතත්, ඉදිරි මහමැතිවරණය සදහා 2014 ඡන්ද හිමි නාමලේඛනය යොදා ගන්නා බව මැතිවරණ කොමසාරිස්වරයා පැවසුවේය.
ඉදිරි මහමැතිවරණය සඳහා තරඟ කරන්නේ ද යන්න විමසමින් මැතිවරණ කොමසාරිස්වරයා ලියාපදිංචි සියලූම දේශපාලන පක්ෂ වෙත ලිපියක් ද යොමු කර තිබේ. තමන් තරඟ වදින්නේ තනිව ද නැතහොත් සන්ධානගතව ද යන්න දේශපාලන පක්ෂ එහිදී මැතිවරණ කොමසාරිස්වරයා වෙත දැනුම් දිය යුතුය.
මෙවර මහමැතිවරණයේදී ගණන් කිරීමේ මධ්‍යස්ථාන ලෙස පාසල් යොදා නොගැනීමට ද අවධානය යොමු වී තිබේ. අදාළ කාලසීමාවේදී උසස් පෙළ විභාගය පැවැත්වෙන බැවින් එම විභාගයට පෙනී සිටින අපේක්ෂකයින්ට අවහිරතා ඇති වීම වළක්වාලීම මෙහි අපේක්ෂාව වේ.
මෙවර පැවැත්වෙන පාර්ලිමේන්තු මැතිවරණය සඳහා රුපියල් කෝටි 400ක් වැය වෙනු ඇති බවද ඔහු අවධාරණය කළේය.
