ස්ත්‍රී, පුරුෂ සමාජභාවය පදනම් කරගත් හිංසනය නිසා ඇතිවන සෞඛ්‍ය ගැටලු සම්බන්ධයෙන් ඊයේ (25) කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවැති මාධ්‍ය හමුවට එක් වෙමින් ඔහු මේ බව සඳහන් කළේය.
රෝග නිසා මියයන ගර්භිණී කාන්තාවන් වගේම එයින් 1/3 ක් පමණ ගර්භිණී කාන්තාවන් හිංසනය නිසා මිය යන බවත්, නමුත් ගර්භිණී නොවන කාන්තාවන් හිංසනය නිසා කොපමණ මිය යනවා ඇත්ද? සියදිවි නසාගන්නවා ඇත්ද? යන්න වාර්තා නොවන බවත් පවසා සිටියේය.
ලෝක පුරා ගෘහස්ථ හිංසනය හා ලිංගික හිංසනය වැඩි වීම කෙරෙහි අන්තර්ජාලය ප්‍රධාන හේතුවක් වී ඇති බවත් නවතම සමීක්ෂණ අනුව ලොව අසැබි වෙබ් අඩවි මිලියන 4.2 ක් පවතින බවත් පැවසුවේය. එය සමස්ත වෙබ් අඩවි ගණනින් 12%ක අගයක් ගන්නා බවත් හෙතෙම සඳහන් කළේය.
මෙම අවස්ථාවේදී ශ්‍රී ලංකා පවුල් සෞඛ්‍ය කාර්යාංශය මගින් ස්ත්‍රී, පුරුෂ සමාජභාවය පදනම් කරගත් හිංසනය වැළැක්වීම සඳහා නිර්මාණය කළ සමනල පාලම කෙටි වාර්තා චිත්‍රපටය එළිදැක්වීමද සිදුවූයේය.
