රාජපක්‍ෂ පවුලේ ඉඩකඩම්, නිවාස, වත්කම් පිළිබඳ මෙන්ම ඔවුන් සමීපයේ සිටි විවිධ පුද්ගලයන් විසින් සිදුකර ඇතැයි කියන අපරාධ සම්බන්ධයෙන් සුමනදාස මහතාගෙන් පොලිසිය තොරතුරු ලබාගෙන තිබේ.
රාජපක්‍ෂ පවුලේ සාමාජිකයන්ට අයත් ඉඩකඩම් සඳහා මෙන්ම නිවාස ඉදිකිරීම සඳහා ජ්‍යෝතිෂ කටයුතු කර ඇත්තේ සුමනදාස මහතා විසින් බව හඳුනාගෙන ඇත.
මෙම ඉඩකඩම්, නිවාස ඇතුළු දේපළ පිහිටි ස්‌ථානයන් පිළිබඳව මෙහිදී සුමනදාස මහතාගෙන් තොරතුරු විමසා ඇති අතර සුමනදාස මහතා වැදගත් තොරතුරු රැසක්‌ හෙළිකර ඇතැයි ද පොලිස් ආරංචි මාර්ග පවසයි.
තවදුරටත් ප්‍රශ්න කිරීම සඳහා ඉදිරි දිනකද ඔහුව මූල්‍ය අපරාධ කොට්‌ඨාසය වෙත කැඳවීමට නියමිතය.
