පසුගිය පාලන සමයේ ඩිසල් බලාගාර වලින් ඒකකයක් රුපියල් 30ක් වැනි මුදලක් වැය කොට ලබාගත් විදුලි ඒකක වෙනුවට රුපියල් 17කට විදුලි ඒකකයක් ලබාගැනීමට උතුරු ජනනි බලාගාරයෙන් හැකි වී අැති බවත් ඔහු සදහන් කළේය.

40% ක් රටපුරා බෙදාහරිණු ලැබු විදුලිය අද වන විට 90% මට්ටම තෙක් පැමිණ තිබෙන බව ඔහු පවසයි. මේ වන විට රටේ ජනගහණයෙන් 64000 පමණ ප්‍රමාණයක් තමන්ට අයිති නැති නිවාස වල ජීවත් වන බවත් එවැනි සමාජ ප්‍රශ්ණ තිබුණද ඔක්තෝබර් මස සිට අරඹන නව විදුලි ක්‍රමය මගින් සෑම දෙනාටම විදුලිය ලබා දීමට කටයුතු කරන බව හෙතෙම පැවසුවේය.

අද වන විට විදුලි බලමණඩලය මූල්‍යමය ලෙස ස්වාධීනත්වයට පත්ව අැති බවත් මේ වන විට සාර්ථක ලෙස ලාභ ඉපැයීමක් සිදු කර තිබෙන බවත් ඔහු පැවසුවේය.

පසුගිය පාලන සමයේ වසරකට මිලියන 3600ත් ලබා දී ඩීසල් බලාගාර පවත්වාගෙන බවත් මෙවැනි අතිවිශාල මුදල් පරිහරණය නිසා ජාවාරම්කාර ව්‍යාපාරිකයින් පිරිසක් බිහි වූ බවත් ඔහු කීවේය.

ඔහු වැඩිදුරටත් අදහස් දක්වමින් මෙසේද පැවසුවේය.

' දේශපාලන පක්ෂවල අතකොළු බවට පත් නොවන ස්වාධීන වෘත්තීය සමිතියක් ලංකා විදුලි බලමණ්ඩලයට අවශ්‍යව තිබුණා. මේ වසරේ සිට ඉන්ධන සදහා මුලිකත්වයක් දෙන්න බලාපොරොත්තු වෙනවා.තෙල් ගල් අගුරු ගෑස් විදේශ රටවලින් ගෙන්වනනේ. එයට ලබන මස සිට ටෙන්ඩර් කැදවනවා. මන්නාරම් ධ්‍රෝණියේ ගෑස් සම්පත උකහා ගෙන ලංකාවේ භාවිතයට ගැනීමට උත්සාහ කරනවා'