නිවේදනයක් නිකුත් කරමින් කැෆේ සංවිධානය පවසන්නේ ස්වාධීන මැතිවරණ, පොලිස් හා රාජ්‍ය සේවා කොමිෂන් සභා පිහිටුවීමෙන් තොරව මහා මැතිවරණයක් පැවැත්වීම තවත් අන්ත දූෂිත, ප්‍රචණ්ඩ මැතිවරණයක් දෝතින් වැළඳ ගැනීමක් බවයි.
19 වන ආණ්ඩුක්‍රම ව්‍යවස්ථාව සංශෝධනය තුළින් ස්ථාපනය කිරීමට යෝජිත මැතිවරණ, පොලිස් හා රාජ්‍ය සේවා කොමිෂන් සභා නොමැතිව මැතිවරණයක් පැවැත්වීමට මැතිවරණ දුෂණ සදහා කප් ගැසූ කණ්ඩායම් කිහිපයක්ම මේ වන විට උත්සහ දරමින් සිටීව බව එම සංවිධානය සදහන් කර සිටි.
සාමාජිකයින් පත් කිරීම වලක්වා ගැනීම තුලින් ව්‍යවස්ථා සභාව ස්ථාපනය කිරීම වලක්වා ගැනීමට උත්සහ කිරීම එහි එක් පියවරක් බවත් සදහන් කරයි. විපක්ෂයේ 19 බංකොළොත් කිරීමේ කණ්ඩායම මේ වන විට ඒ සදහා උර දී සිටීන බව ද එම නිවේනදයේ සදහන් කර තිබේ.
මහා මැතිවරණයක් පැවැත්වීමට පෙර ව්‍යවස්ථා සභාව ස්ථාපනය කොට හැකි ඉක්මනින් ස්වාධීන මැතිවරණ කොමිෂන් සභාව පිහිටුවීමටත් රාජ්‍ය සේවා හා පොලිස් කොමිෂන් සභාවන්ට සාමාජිකයින් පත් කිරීමත් ජනතා අපේක්ෂාව වූ බව කැෆේ සංවිධානයේ විශ්වාසයයි.
