එක් එක් භික්ෂුන් වහන්සේ රුපියල් 10,000ක මුදල් ඇප සහ රුපියල් ලක්ෂ 05 බැගින් වු ශරීර ඇප දෙකක් මත මුදා හැරීමට මහේස්ත්‍රාත්වරයා නියෝග කර ඇත.අදාළ නඩුව අද (08)කැඳවු අවස්ථාවේ කොළඹ ප්‍රධාන මහේස්ත්‍රාත් ගිහාන් පිලපිටිය මහතා විසින් අදාළ නියෝගය ලබාදුන් දී අැත
අන්තර් විශ්ව විද්‍යාල භික්ෂු බල මණ්ඩලයේ කැඳවුම්කරු තැන්නේ ඤාණානන්ද හිමියන් ඇතුලු භික්ෂුන් පස් දෙනා වහා නිදහස් කරන ලෙස බලකරමින්,පසුගිය දිනක කොටුව දුමිරියපොළ ඉදිරිපිට උද්ඝෝෂණයක් පැවැත්වුණි.
විශ්ව විද්‍යාල ප්‍රතිපාදන කොමිසම ඉදිරිපිට උද්ඝෝෂණයක් පැවැත්වෙමින් පවතිද්දී එහි දේපළවලට හානි සිදු කළ බවට චෝදනා ලැබීම නිසා අන්තර් විශ්ව විද්‍යාල භික්ෂු බල මණ්ඩලයේ කැඳවුම්කරු තැන්නේ ඥානානන්ද හිමියන් ඇතුළු භික්ෂූන් වහන්සේලා පස් නමක් රිමාන්ඩ් භාරයේ තැබීමට කොළඹ මහේස්ත්‍රාත් අධිකරණය පසුගිය 25 වනදා නියෝග කළේය.
අධිකරණය විසින් කරනු ලැබ තිබුණ නියමයකට අනුව අදාළ භික්ෂූන් වහන්සේලා අධිකරණයේ පෙනී සිටි අතර ඉන් අනතුරුව ඔවුන් රිමාන්ඩ් බන්ධනාගාර ගත කෙරුණි.
අද දින ඔවුන් පස්දෙනා අැප මත නිදහස් කර අැත.
