සිදුවීම සම්බන්ධව අද (08) දින අධිකරණයට ඉදිරිපත් කරන ලද තවත් එක් ඉන්දීය ජාතික සැකකරුවෙකු නිදොස් කොට නිදහස් කර තිබේ.
ඉකුත් මැයි 20 වන දින සිවලෝගනාදන් විත්‍යා පැහැ‍රගෙන ගොස් සමූහ අතවරයට ලක් කර ඝාතනය කළ බව කියන සැකකරුවන්ට දැඩි දඬුවම් පමුණුවන ලෙස ඉල්ලා අධිකරණය ඉදිරිපිට පිරිසක් උද්ඝෝෂණවල නිරතව සිටි අතර පසුව නොසන්සුන්කාරී තත්ත්වයක් උද්ගතවී උද්ඝෝෂකයින් පිරිසක් අධිකරණයටද ගල් මුල් ප්‍රහාර එල්ලකරන ලද බව වාර්තා විය.
මෙම සිද්ධියට සැක පිට බොහෝ පිරිසක් අත්අඩංගුවට ගත් අතර අධිකරණයට ඉදිරිපත් කිරීමෙන් පසුව 130 දෙනෙකු පමණ රක්ෂිත බන්ධනාගාර ගත කෙරිණි.
අද දින එම පිරිස් යළි අධිකරණයට ඉදිරිපත් කරන ලද අවස්ථාවේදී එක් අයෙකුට ලක්ෂ 2 බැගින් ශරීර ඇප 2 ක් මත 33 දෙනෙක් මුදාහැරීමට තීරණය කර අැත.
එසේම මෙම සැකකරුවන්ට සෑම මසකම අවසන් ඉරිදා දිනයේ පොලීසිය හමුවේ පෙනී සිට අත්සන් කරන ලෙස අවවාද කර අැති අතර යම් හෙයකින් නැවත මෙවන් චෝදනාවකට අධිකරණයට ඉදිරිපත් කරනු ලැබුවහොත් ඇප අවලංගු කිරීමට පියවර ගන්නා බවට මහේස්ත්‍රාත්වරයා විසින් දැඩි ලෙස අවවාද කර තිබේ.
