ලොව සීග්‍රයෙන් දියුණු වන සංචාරක නගර සම්බන්ධයෙන් ජාත්‍යන්තර ආයතනයක්වූ මාස්ටර් කාඩ් සිදු කළ සමීක්‍ෂණයකට අනුව කොළඹ නගරයට ප්‍රථම ස්ථානය ලැබී ඇත.
ඔවුන් විසින් 2015 වසරේ අදාළව ගෝලීය ගමනාන්ත නගර දර්ශකය පසුගිය බදාදා(03) එළිදැක්වූයේය.
2009 වර්ෂයේ සිට වසර 06ක දත්ත මෙම සමීක්ෂණයට පාදක කරගෙන ඇති අතර ලෝකයේ සංචාරක නගර 132ක් මෙම සමීක්‍ෂණය සඳහා යොදා ගෙන තිබේ.
පැවැති දිගු කාලීන යුද ජයග්‍රහණයෙන් පසුව ශ්‍රී ලංකාවේ සංචාරක ව්‍යාපාරය පැහැදිලිවම සිග්‍ර දියුණුවක් ලබාගෙන ඇතැයි ද අදාළ වාර්තාව සඳහන් කරයි.
අදාළ සමීක්ෂණ වාර්තාවට අනුව ඉතා ඉක්මනින් දියුණු වන නගර අතර දෙවන ස්ථානය චීනයේ සිචුවාන් ප්‍රාන්තයේ චෙන්ගුඩු නගරයට ද තුන්වන ස්ථානය එක්සත් අරාබි එමීර් හි අබුඩාබි නගරයටත්, 4 වන ස්ථානය සෞදි අරාබියේ රියාද් නගරයටත් හිමිව ඇත.
